1

Մեր Տեր Հիսուս Քրիստոսի Սուրբ Հարության տոնը հայաբնակ վայրերում PDF Տպել Էլ.փոստ
Լուրեր

A12018 թվականի ապրիլի մեկին, Մեր Տեր Հիսուս Քրիստոսի Սուրբ Հարության տոնը  Վիրահայոց թեմի Բաթումի Սուրբ Փրկիչ եկեղեցում նշվեց Սուրբ և Անմահ Պատարագով: Եկեղեցին լեփ-լեցուն էր հավատացյալներով: Մարդիկ գալիս էին տոնական տրամադրությամբ, զատկական բարիքներով գեղեցիկ ձևավորված  զամբյուղներով : 1
Բաթումի Սուրբ Փրկիչ եկեղեցու հոգևոր հովիվ արժանապատիվ Տեր Արարատ Գումբալյանը մատուցեց Սուրբ և Անմահ 2Պատարագ, որին ներկա էին Աջարիայի Ինքնավար Հանրապետության կրթության և գիտության նախարար Ինգա Շամիլաշվիլին, Բաթումում ՀՀ Գլխավոր հյուպատոս  Եղիշե Սարգսյանը, համայնքային գործիչներ, հյուրեր:
Հավարտ Սուրբ Պատարագի հյուրերը տեղափոխվեցին Վիրահայոց թեմի Ալեքսանդր Մանթաշյանց կենտրոն, որտեղ նրանց դիմավորեց տնօրեն՝ Սոնա Հովհաննիսյանը: Կենտրոնի «Սբ.Մեսրոպ Մաշտոց» կիրակնօրյա դպրոցի երեք դասարանները, ուսուցչուհի Սաթենիկ Դանիելյանի գլխավորությամբ կազմակերպել էին զատկական տոնախմբություն, զատկական բարիքներով զարդարված սեղանը,5 գեղարվեստական խմբերի ելույթները օրը  Բաթումում դարձրին ուրախ և  տոնական:  
Թեթրիծղարոյի և  Բոլնիսի շրջանների հայկական համայնքների հոգևոր հովիվ, արժանապատիվ Տեր Հուսիկ քահանա Հարությունյանը Հիսուս Քրիստոսի Սուրբ Հարության տոնի  օրը  այցելություններ կատարեց  իր հովվությունում գտնվող հայկական գյուղեր:
7Առավոտյան ուղևորվելով Թեթրիծղարոյի շրջանի Դաղեթ-խաչեն գյուղ, Տեր Հուսիկ քահանան տեղի Սուրբ Աստվածածին եկեղեցում  կատարեց  առավոտյան ժամերգություն, շնորհավորեց տեղացիներին Սուրբ Զատկի տոնի կապակցությամբ և օրհնեց հավկիթները:
Այդ օրը  արժանապատիվ քահանան այցելեց  նաև Սամշվիլդե  գյուղի Սուրբ Փրկիչ և Շահումյան ավանի Սուրբ Աստվածածին եկեղեցիները: Հավատացյալներին շնորհավորելով Սուրբ Զատկի տոնի կապակցությամբ, Տեր Հայրը երկու գյուղերի եկեղեցիներում կազմակերպեց  մկրտություն, սուրբ մյուռոնով օծվեցին գյուղի տարբեր տարիքի բնակիչներ:   Տեր Հուսիկ քահանա Հարությունյանն օրն ավարտեց Կարմիր գյուղի Սրբոց Ավետարանչաց մատուռում, որտեղ կատարեց երեկոյան ժամերգություն և շնորհավորեց տեղացիներին:
Զատկական տոնը  հանդիսավորապես և  տոնական տրամադրությամբ նշվեց նաև Ռուսթավի քաղաքի 3Սուրբ Գրիգոր Նարեկացի հոգևոր, կրթամշակութային կենտրոնում: Հանդիսությանը ներկա էին Վրաստանում ՀՀ արտակարգ և լիազոր դեսպան Ռուբեն Սադոյանը, դեսպանության դիվանագետներ:
Միջոցառմանը իր օրհնաբեր ներկայությունն էր բերել  Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը:  
Ռուսթավի քաղաքի և Մառնեուլի շրջանի հայության հոգևոր հովիվ  արժանապատիվ Տեր Նարեկ քահանա Ղուշչյանը ողջունելով ներկաներին, ներկայացրեց կենտրոնի  գործունեությունը և շնորհավորեց զատկական տոնի  կապակցությամբ: Այնուհետև  կենտրոնի սաների ուժերով  ներկայացվեց զատկական տոնին նվիրված միջոցառում:  
Վիրահայոց թեմի  հայաբնակ բոլոր վայրերում Փրկչի հրաշափառ հարության տոնը նշվեց  գեղեցիկ տոնակատարություններով և  բնակչության բարձր տրամադրությամբ: 

Armenian (Հայերեն)Georgian (ქართული)English (United Kingdom)Russian (Русский)