Դասական և հոգևոր երաժշտության համերգ Սուրբ Գևորգ առաջնորդանիստ եկեղեցում

2019 թվականի օգոստոսի 30-ին, Թբիլիսիի Սուրբ Գևորգ առաջնորդանիստ եկեղեցում կայացավ դասական և հոգևոր երգի համերգ:

Դասական երգի նմուշների կատարմամբ հանդես եկավ միջազգային փառատոների դափնեկիր երգիչ Դամյան Զաբրոդինը: Թբիլիսիում իր ծառայությունը մատուցելու ժամանակաշրջանում Զաբրոդինի երազանքներից մեկը այս բազմազգ և բազմակրոն քաղաքի տարբեր եկեղեցիներում երգելն էր:

Բազմամարդ էր եկեղեցու ներսը: Ներկա էին հոգևոր դասը և բազում հավատացյալներ: Ու տարածվեցին Դեմյան Զաբրոդինի կատարմամբ Բախի, Ստրադելլայի, Մոցարտի, Շուբերտի Շումանի և այլոց գոհարները, արժանանալով հանդիսատեսի ծափողջույններին:

20190830

Օրվա համերգին իրենց մասնակցությունը բերեցին Սուրբ Գևորգ առաջնորդանիստ եկեղեցու Մակար Եկմալյան երգչախումբը, ճանաչված երգչուհի, Մակար Եկմալյան երգչախմբի խմբավար Սվետլանա Տատոևան, մենակատարներ Անի Թորոսյանը, Ելենա Ռեյխանովան, Միքայել Նազարյանը, Ջուլիաննա Ավետիսյանը: Համերգին նվագակցում էին Նինա Ստեփանյանը և Կարեն Միրզոյանը:

Հավարտ միջոցառման օրհնության խոսքով հանդես եկավ Սուրբ Գևորգ առաջնորդանիստ Եկեղեցու հոգևոր հովիվ արժ. Տեր Կիրակոս քահանա Սիմոնյանը: Վերջինս փոխանցեց առաջնորդական տեղապահ հոգեշնորհ Տեր Կիրակոս վարդապետ Դավթյանի օրհնությունը և բարձր գնահատեց համերգի մասնակիցների ելույթները:

Դամյան Զաբրոդինը մենահամերգով հանդես է եկել նաև Թբիլիսիի Ավետարանական- լութերական եկեղեցում:

20190830

Սբ. Գևորգ

  • Created on .
  • Hits: 227

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։