Ռոբերտ Հովհաննիսյանին ճանապարհեցին կյանքի վերջին հանգրվան

Այսօր, 2019 թվականի դեկտեմբերի 8-ին, Թբիլիսիի թատերասեր հասարակայնությունը կյանքի վերջին հանգրվան ճանապարհեց Պետրոս Ադամյանի անվան հայպետդրամայի թատրոնի ճանաչված դերասան, Վրաստանի վաստակավոր արտիստ, կոլորիտային վառ դեմք Ռոբերտ Հովհաննիսյանին:

Իր ողջ կյանքը հայոց թատրոնին նվիրած, բազում կերպարներ մարմնավորած Ռոբերտ Հովհաննիսյանի դին հանդիսատեսի հրաժեշտի համար տեղադրվել էր Հավլաբարի Սուրբ Էջմիածին եկեղեցում: Եկեղեցու հոգևոր հովիվ արժանապատիվ Տեր Սամվել քահանա Թորոսյանի գլխավորությամբ և հոգևորականաց դասի մասնակցությամբ այստեղ կատարվեց հոգեհանգստի կարգ: Ռոբերտ Հովհաննիսյանի դերասանական արվեստի, քրիստոնեական հավատքին նվիրվածության մասին հրաժեշտի խոսք ասաց ավագ քահանա արժանապատիվ Տեր Եղիշե քահանա Հարությունյանը:

Հրաժեշտի արարողությունից հետո, ներկաները, ծափերի ուղեկցությամբ Ռոբերտ Հովհաննիսյան շնորհաշատ և ճանաչված դերասանին ճանապարհեցին իր կյանքի վերջին հանգրվանը:

Սբ. Էջմիածին

  • Created on .
  • Hits: 260

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։