Նախարար Սուրեն Պապիկյանն այցելեց հայկական կառույցներ

Վրաստան կատարած երկօրյա աշխատանքային այցի շրջանակներում, ՀՀ Տարածքային կառավարման և ենթակառուցվածքների նախարար Սուրեն Պապիկյանը, չնայած հանդիպումներով հագեցած օրվան, 2020 թվականի փետրվարի 12-ին այցելեց Թբիլիսիի Սուրբ Գևորգ առաջնորդանիստ եկեղեցի: Նախարար Պապիկյանին դիմավորեցին արժանապատիվ Տեր Հուսիկ քահանա Հարությունյանը և բարեշնորհ Գիորգի սարկավագ Աբրամյանը: Պարոն նախարարը ունկնդրեց եկեղեցու կառուցման, իրականացված հիմնանորոգությունների մասին Տեր Հուսիկ քահանայի պատմածը: Հյուրերը մոմեր վառեցին և աղոթք արեցին առաջնորդանիստ եկեղեցում, դիտեցին եկեղեցու պատերը զարդարող որմնանկարները:

Հյուրերն իրենց խոնարհումը բերեցին եկեղեցու բակում հանգչող Սայաթ-Նովայի շիրմին և հուղարկավորված հայ գեներալների տապանաքարերին:

Այնուհետև նախարար Պապիկյանը ուղեկիցների հետ միասին այցելեց «Հովհաննես Թումանյանի տուն» գիտամշակութային կենտրոն: Հյուրերը շրջայց կատարեցին պատմական տանը, ունկնդրեցին էքսկուրսավար Գոհար Մազմանյանին, որից հետո նախարարը գրառում թողեց Հովհաննես Թումանյանի տան հուշամատյանում:

Տարածքային կառավարման և ենթակառուցվածքների նախարար Սուրեն Պապիկյանը Վրաստան կատարած այցի շրջանակներում եղավ Հայ գրողների և հասարակական գործիչների «Խոջիվանքի» պանթեոնում և «Գարի Դավթյան» մշակույթի տանը։ ՀՀ Տարածքային կառավարման և ենթակառուցվածքների նախարարը ծանոթացավ Թբիլիսիում հայ համանքի, վերոնշյալ կառույցների գործունեությանը:

86187891 1625359207606682 1912943936461078528 O

Սբ. Գևորգ, Թումանյանի տուն

  • Created on .
  • Hits: 257

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։