Իրականացվեց հերթական բարեգործական գործողությունը

Վիրահայոց թեմը շարունակում է եկեղեցասեր բարերար հայրենակիցների աջակցությամբ, օգնություն բաժանել միայնակ, տարեց, հաշմանդամ և կարիքավոր մարդկանց և նրանց ընտանիքներին: Կազմակերպվում և նրանց են փոխանցվում տարբեր անհրաժեշտ սննդամթերքներով փաթեթներ:

Այս անգամ մարդասիրական գործողությունն իրականացվեց «ՀՈՓ» բարեգործական հասարակական կազմակերպության նախաձեռնությամբ և աջակցությամբ, հիմնադիր-տնօրեն Վերոնիկա Հունանյանի գլխավորությամբ:

Վերջին երկու օրվա ընթացքում, մայիսի 20-22-ը ներառյալ, Թբիլիսիի 32 կարիքավոր և հաշմանդամ ունեցող ընտանիքներին բաժանվեցին 12 անուն տարբեր սննդամթերքներով պայուսակներ: Վիրահայոց թեմի առաջնորդական տեղապահ հոգեշնորհ Տեր Կիրակոս վարդապետ Դավթյանի օրնությամբ և վերոնշյալ կազմակերպության ֆինանսավորմամբ, սննդամթերքի ձեռք բերումը և ընտանիքներին բաժանումն իրականացվեց Թբիլիսիի Հավլաբարի Սուրբ Էջմիածին եկեղեցու հոգևոր դասի և Թեմի երիտասարդական բաժնի աշխատակիցներ Նինա Սերոպովայի և Էմիլ Սարգսյանի կողմից:

Վիրահայոց թեմը շարունակում է կարիքավորներին օգնության բաժանումն իրենց տներում: Աստված օրհնի բոլորիդ և հոգով ու մարմնով առողջ պահի։

  • Created on .
  • Hits: 307

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։