Սննդամթերքի և հիգիենիկ պարագաների օգնություն Թբիլիսիի հայոց եկեղեցիների հավատացյալ ընտանիքներին

Թբիլիսիի եկեղեցասեր հավատացյալներին շարունակվում է սննդամթերքի և հիգիենիկ պարագաների բաշխումը: ADRA կազմակերպության նախաձեռնությամբ և տնօրեն Վինոդ Նելսսոնի աջակցությամբ, օգնության հասցետերեր դարձան Վրաստանի շուրջ 300 բազմանդամ ընտանիքներ, որոնք կորոնավիրուսի համավարակի պատճառով մնացել էին առանց աշխատանքի, կամ բոլորովին կորցրել են աշխատատեղին:

Վրաստանում գործող վերոնշյալ կազմակերպության միջնորդությամբ, 50 կիլոգրամ կշռով օգնություն ստացան նաև Թբիլիսիի հայոց եկեղեցու 30 հավատացյալ ընտանիքներ: 2020 թվականի հունիսի 2-ին Օգնությունը կարիքավորներին բաժանվեց Հավլաբարի Սուրբ Էջմիածին բակում, կազմակերպության կամավորներ Նինա Կարապետյանի և Արթուր Գևորգյանի ձեռքով:

Վիրահայոց թեմի առաջնորդական տեղապահ հոգեշնորհ Տեր Կիրակոս վարդապետ Դավթյանը օրհնության գրով իր երախտագիտությունը և օրհնությունը հղեց բարեգործական ընկերությանը և անձամբ տնօրեն Վինոդ Նելսոնին նեղության մեջ հայտնված թբիլիսահայ հավատացյալներին օգնության ձեռք մեկնելու և դժվար կացությունը մասամբ հաղթահարելուն օժանդակելու համար:

Աստված օրհնի բոլորիդ և հոգով ու մարմնով առողջ պահի։

Img D88C6F62

Սբ. Էջմիածին

  • Created on .
  • Hits: 503

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։