Զորակցության աղոթք Թբիլիսիի Սբ. Էջմիածին եկեղեցում

2020 թվականի հոկտեմբերի 23-ին, Թբիլիսիի Հավլաբարի Սուրբ Էջմիածին եկեղեցում, Վիրահայոց թեմի առաջնորդ հգշ. Տեր Կիրակոս վրդ. Դավթյանի նախագահությամբ, կատարվեց հոգեհանգստյան պաշտոն Արցախում զոհվածների հոգու խաղաղության համար: Այնուհետև հոգևոր դասը ծնկաչոք աղոթք բարձրացրեց՝ հայցելով խաղաղություն Հայաստանում և Արցախում, զորակցություն` Արցախի պաշտպանության դիրքերում կանգնած հայրենակիցներին, հայրենյաց պաշտպաններին:

Զորակցության աղոթքին իր օրհնաբեր ներկայությունն էր բերել Վրաստանի Մկրտական եկեղեցու եպիսկոպոս Ռուսուդան Գոցիրիձեն:

Հավարտ աղոթքի հգշ. Տեր Կիրակոս վարդապետը անդրադարձ կատարեց հայոց պատմության էջերին, թուրք ենիչերիների կողմից հայ ժողովրդի դեմ վարած պատերազմներին, հիշատակեց 1915 թվականի Հայոց Ցեղասպանությունը, որի շարունակությունն է Թուրքիայի և արհեստականորեն ստեղծված Ադրբեջանի որդեգրած հայատյաց քաղաքականությունը, որը ներառնում է ոչ թե պատմական Արցախի բռնագրավում, այլ «հայ ժողովրդի ոչնչացում, հայոց աշխարհի բնաջնջում»:

Վիրահայոց թեմի առաջնորդը հորդորեց թբիլիսահայությանը աջակցել սահմանի վրա կռվող հայ զինվորին, սատար կանգնել Հայաստանում ապաստանած արցախցի երեխաներին, կանանց և ծերերին, աղոթել խաղաղության համար: Թեմակալ առաջնորդը կոչ արեց մասնակցել եկեղեցիներում կատարվող խաղաղության և զորակցության աղոթքին և իրենց ներդրումը կատարել բոլոր եկեղեցիներում կազմակերպված շարունակական հանգանակությանը՝ ի զորակցություն Արցախի հաղթանակի:

122362835

122495243 3467895953327192 1772165701086226671 O

  • Created on .
  • Hits: 160

Կոնտակտ

5, Samghebro St., 0105 – Tbilisi, Georgia
Phone: +995322922248
+995322754111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։