Թբիլիսիում տեղի ունեցավ Հայոց ցեղասպանության 109-րդ տարելիցին նվիրված ավանդական ջահերով երթ:

2024 թվականի ապրիլի 23-ին, Վրաստանում, ի մասնավորի  մայրաքաղաք Թբիլիսիում, Հայոց ցեղասպանության 109-րդ տարելիցին նվիրվան ավանդական բողոքի գործողությունը և ոգեկոչման արարողությունը մեկնարկեցին «Իսանի» թաղամասից:

Մետրոյի «Իսանի»  կայարանի հարակից տարածքում հավաքված հայությունը՝ ահել ու ջահել, կին, ու տղամարդ, ջահերով ու վառվող մոմերով, մարտական  երգ-երաժշտության ուղեկցությամբ, պաստառներով ու տարբեր լեզուներով հնչող «ճանաչելու, «դատապարտելու» և «հատուցելու»  կարգախոսներով շարժվեցին դեպի Հավլաբարի «Սուրբ Էջմիածին եկեղեցի:

Քայլերթի մասնակիցները ծաղիկներ խոնարհեցին  եկեղեցու բակում կանգնեցված Հայոց ցեղասպանության Սրբադասված նահատակների հիշատակին կանգնեցված խաչքարի պատվանդաին, և եկեղեցու ներսում ունկնդրեցին արժանապատիվ Տեր Կիրակոս քահանա Սիմոնյան ոգեկոչող խոսքը:

Հայոց ցեղասպանության 109-րդ տարելիցին նվիրված միջոցառումներն անց են կացվում՝ Վրաստանում ՀՀ դեսպանության, Վիրահայոց թեմի  առաջնորդարանի  և «Վրաստանի հայ համայնք, հասարակական կազմակերպութլյան նախաձեռնությամբ և  կազմակերպմամբ: