ვიზიტი ბოლნის-ხაჩენის სომხურ საჯარო სკოლაში

2019 წლის 29 ნოემბერს, საქართველოს სომეხთა ეპარქიის წინამძღვრის ნაცვალის არქიმანდრიტ კირაკოს დავთიანის კურთხევით, თბილისის სურბ გევორგ სამოციქულო ეკლესიის სასულიერო მსახური, მღვდელი კირაკოს სიმონიანი დიაკვანთა დასთან ერთად ესტუმრა ბოლნისის რაიონის ბოლნის-ხაჩენის სომხურ საჯარო სკოლას.

სასულიერო დასს სკოლის დირექტორი დახვდა. სტუმრები დაინტერესდნენ სკოლის პრობლემებით, დაათვალიერეს კლასები, ესაუბრეს მოსწავლეებს. შეხვედრის მიწურულს სასულიერო პირებმა სკოლის მოსწავლეებს საჩუქრები გადასცეს.