დახმარება ჯავახეთის ბავშვებისთვის

სომხური დახმარების ფონდის (FAR) სომეხ ბავშვთა მფარველობის პროგრამის (CASP) ფარგლებში ასობით ობოლი ბავშვი სრულწლოვანების ასაკის მიღწევამდე ყოველწლიურ ფინანსურ დახმარებას იღებს ამერიკაში მცხოვრები სომეხი ოჯახების ქველმოქმედებიდან. ამ პროგრამაში ჯავახეთიდან ერთ-ერთი მშობლით ობოლი 72 არასრულწლოვანი ბავშვი ჩაერთო, მათგან 51- ახალქალაქის, 2- ახალციხის, 19 კი ნინოწმინდის რაიონიდან.

2020 წლის 1-ლ ნოემბერს, ბავშვები თავიანთ მეურვეებთან ერთად, შეიკრიბნენ სამცხე-ჯავახეთისა და წალკის საერთო ეპარქიალურ ვიკარიატში. ახალქალაქის „სურბ ხაჩ“ ეკლესიაში სულიერი მსახურის, ღირსი მღვდლის ნარეკ ტიგრანიანის კურთხევის სიტყვის დასრულების შემდეგ, პროგრამის ბენეფიციარებმა თავიანთი ქველმოქმედების მიერ გამოგზავნილი თანხები მიიღეს.

მომდევნო დღეს, 2 ნოემბერს, ნინოწმინდის „სურბ სარგის“ ეკლესიაში, ღირსი მღვდლის არმაშ პოღოსიანის ლოცვა-კურთხევის შემდეგ, გამოყოფილი თანხები მიიღეს ასევე პროგრამაში ჩართულმა ნინოწმინდის მუნიციპალიტეტში მცხოვრებმა ბავშვებმა.

საქართველოს სომეხთა ეპარქიის წინამძღვარი, არქიმანდრიტი კირაკოს დავთიანი და სამცხე-ჯავახეთისა და წალკის საერთო ეპარქიალური ვიკარიატის სასულიერო დასი, ჯავახეთში მცხოვრები ბავშვების დახმარებისათვის ლოცავს FAR-ის თანამშრომლებსა და ქველმოქმედებს და დიდ მადლიერებას გამოხატავს მათ მიმართ.