საქართველოს სომეხთა ეპარქიის „ჰაიარტუნ“ ცენტრში მომღერალთა გუნდისა და სამხატვრო წრის საანგარიშო ღონისძიება

საქართველოს სომეხთა ეპარქიის „ჰაიარტუნ“ ცენტრში, ეპარქიის წინამძღვრის, მისი ყოვლადუსამღვდელოესობა ეპისკოპოსი კირაკოს დავთიანის ლოცვა-კურთხევით, სასწავლო წლის ბოლო ღონისძიება - მომღერალთა გუნდისა და ხატვის წრის საანგარიშო შეხვედრა გაიმართა.

დარბაზში ხატვის წრის მოსწავლეთა ის ნახატები გამოიფინა, რომლებიც მოსწავლეებმა მასწავლებელ ანა კარაპეტიანის რჩევით, ქაღალდზე ფანქრითა და აკვარელით გამოხატეს. ჯგუფს მხოლოდ რამდენიმე თვის ისტორია აქვს, თუმცა 5-10 წლის ბავშვებმა უკვე შექმნეს რამდენიმე ათეული ნახატი და სხვადასხვა ღონისძიებაზე გამოფინეს. სასიხარულოა, რომ ჯგუფის მოსწავლეებმა მონაწილეობა მიიღეს სომხეთის რესპუბლიკის განათლების, მეცნიერებისა და სპორტის სამინისტროს ფესტივალ-კონკურსში სახელწოდებით „მშვიდობა“, და მათ შორის სუსანნა ალთუნიანის და ადელინა მელიქიანის ნამუშევრებმა ფესტივალის დასკვნით ეტაპზე პრიზები დაიმსახურეს.

„ჰაიარტუნ“ ცენტრის დირექტორმა, ევგენია მარკოსიანმა, ისაუბრა  იმ პროგრესზე, რომელსაც 2024-25 სასწავლო წელს მიაღწიეს „სურბ  ნერსეს შნორჰალის“ სახელობის  ბავშვთა და  მოზარდთა ანსამბლმა დირიჟორ აიდა ბაზოიან-სურმალიანის ხელმძღვანელობით (პიანისტი კარენ მირზოიანი) და ხალხური საკრავების ჯგუფმა -  ივანე მკრტჩიანის ხელმძღვანელობით. დადებითად შეფასდა მომღერალთა გუნდის, დუდუკის ჯგუფისა და სოლისტი აიდა ბაზოიან-სურმალიანის მონაწილეობა საქართველოში გამართულ „ხალხური“  (სახალხო) სიმღერის ფესტივალში.

შთამბეჭდავი იყო საანგარიშო ღონისძიებაზე მომღერალთა გუნდის, დუდუკის, დოლის, ფორტეპიანოსა და ვიოლინოს ჯგუფების მიერ შესრულებული კლასიკური, ხალხური, პატრიოტული და ეთნოგრაფიული სიმღერები და მუსიკა, რომლებიც სომხურ, ქართულ და რუსულ ენებზე გაიჟღერა.

ღონისძიების დასასრულს, ცენტრის დირექტორმა დარბაზში მიიწვია ის ახალგაზრდები, რომლებიც ბავშვობაში სკოლამდელ დაწესებულებაში შევიდნენ და ერთგულად აგრძელებენ „ჰაიარტუნ“ ცენტრის საქმიანობაში ჩართვას სიმღერის ანსამბლის, ცეკვის, თანამედროვე ხელოვნებისა და სხვა აქტიური ჯგუფების წევრები გახდნენ და აგრძელებენ კავშირს ამ დაწესებულებასთან. ცენტრის დირექტორმა თითოეულ მათგანს ეპარქიის წინამძღვრის ლოცვა-კურთხევით მადლობის სიგელები და „ჰაიარტუნ“ ცენტრის სამკერდე ნიშნები გადასცა.

თავიანთი შთაბეჭდილებები გაიზიარეს ეპარქიის საინფორმაციო განყოფილების ხელმძღვანელმა - სუსანა ხაჩატრიანმა, სკოლამდელი აღზრდის ყოფილმა პედაგოგმა - ლალა გევორგიანმა და ხალხური საკრავების ჯგუფის ხელმძღვანელმა - ივანე მკრტჩიანმა, რომლებმაც სიამაყით აღნიშნეს, რომ ისინი „ჰაიარტუნ“ ცენტრის შექმნის სათავეებთან იდგნენ.