საქართველოს სომეხთა ეპარქიის „ჰაიარტუნ“ ცენტრში გაიმართა „შვილო ჩემო, სად არის ევფრატი?“ ფილმის ჩვენება

2025 წლის 28 სექტემბერს, თბილისელი სომხების თხოვნის საპასუხოდ, საქართველოს სომეხთა ეპარქიის წინამძღვრის, მისი  ყოვლადუსამღვდელოესობა ეპისკოპოს კირაკოს დავთიანის ლოცვა-კურთხევით, ეპარქიის „ჰაიარტუნ“ ცენტრში გაიმართა რუბენ ფაშინიანის მხატვრული ფილმის ჩვენება „შვილო ჩემო, სად არის ევფრატი?“, რომელსაც ესწრებოდა ერევნიდან სპეციალურად ჩამოსული ავტორი, მწერალი, რეჟისორი, მსახიობი და ჟურნალისტი რუბენ ფაშინიანი.

მისასალმებელ სიტყვაში მან ისაუბრა გენოციდის თემაზე მისი ფილმის გადაღების მოტივზე და მადლობა გადაუხადა ეპარქიის წინამძღვარს თბილისელი სომხების თხოვნის დაკმაყოფილებისთვის, ფილმის ხელახლა ჩვენების შესახებ.

ფილმში გენოციდის საკითხი ვლინდება სომეხთა გენოციდს ძლივს გადარჩენილი და მთელ მსოფლიოში მიმოფანტული იმ სომეხის სახით, რომელიც იძულებულია იცხოვროს  სამშობლოდან  შორს, მაგრამ მისი მონატრებით. ფილმი ძალიან ემოციურია, გაჟღენთილი პატრიოტული პათოსით. ფილმის სცენარის ავტორი ასევე დახვეწილად წამოჭრის დილემას ბედსა და სამშობლოს შორის არჩევანის, აყვავებული ცხოვრების გულისთვის ემიგრაციის გზის დადგომის შესახებ, რომლის მოტივი ამჯერად არა ხოცვა-ჟლეტისა და ხოცვა-ჟლეტისგან თავის დაღწევაა, არამედ აყვავებული ცხოვრებით ცხოვრება, მაგრამ სამშობლოს მონატრებით. ფილმის გმირისთვის გაუგებარი რჩება, თუ რატომ ტოვებენ სომხები სამშობლოს, რათა თავი დააღწიონ სამშობლოში არსებულ სირთულეებს. და ის ვერ იღებს პასუხს კითხვაზე, თუ რას აკეთებს სომეხი ადამიანი სამშობლოში არსებული რთული მდგომარეობის გასაუმჯობესებლად, თავისი ქვეყნის განვითარებისთვის. მიუხედავად ამისა, ის აკეთებს საკუთარ და არც ისე მარტივ არჩევანს.

ფილმის ჩვენება ინტერესითა და სიყვარულით მიიღეს მაყურებლებმა ლონდონში, მოსკოვში, ნიუ-იორკში, ბოსტონში, გახდა გასაგები და გულისამაჩუყებელი.

ფილმის ავტორმა მკითხველს წაუკითხა ამონარიდები თავისი უახლესი წიგნებიდან: Мама, мне уже 59» („დედა, მე უკვე 59 წლის ვარ“) და  „...На все четыре стороны!“ (ყველა ოთხივე მხარეს!), ასევე ახალი გამოუქვეყნებელი ნაწარმოებები, რომლებიც მის მომავალ კრებულში შევა.

ფილმის დასასრულს პოეტ-მთარგმნელმა მარინა კირაკოსიან - მოსესოვამ წაიკითხა საკუთარი ლექსი „სომხეთი.“

ღონისძიება დასრულდა მამა კირაკოს სიმონიანის კურთხევით. საღამო რუბენ ფაშინიანის თანამემამულეებთან პირადი საუბრის, აზრებისა და შთაბეჭდილებების გაცვლის ფორმატში წარიმართა.

საქართველოს სომეხთა ეპარქიის პრესსამსახური