საქართველოს სომეხთა ეპარქიაში სებასტიელი ორმოცი წმინდა ყრმის ხსენების დღე აღინიშნა

სომეხთა სამოციქულო მართლმადიდებელი წმიდა ეკლესია დიდი მარხვის მეოთხე შაბათს სებასტიაში წამებული ორმოცი წმინდა ყრმის ხსენების დღეს აღნიშნავს.

2025 წლის 29 მარტს, საქართველოს სომეხთა ეპარქიის თბილისის სურბ გევორგ მთავარ საკათედრო ტაძარსა და ავლაბრის სურბ ეჯმიაწინ ეკლესიაში დილის ღვთისმსახურებისას წამებული ორმოცი ყრმის ხსოვნის ნიშნად ყვავილებით შემკული სანთლები აინთო. 40 ანთებული სანთლით მორთული მაგიდა სიმბოლურად განასახიერებდა ყრმა მოწამეთა ერთგულებას ქრისტიანული სარწმუნოებისადმი, მათ წამებას, რომელიც ნათლის გვირგვინებით შემკობილი ვიხილეთ. ხოლო მოწამის სანთელი, რომელმაც ტანჯვებს ვერ გაუძლო ყვავილის გარეშე დარჩა, ნიშნად იმისა, რომ მოწამემ აღასრულა მიწიერი სიცოცხლე და ვერ მიაღწია ზეციურს.

ღვთისმსახურების დასასრულს, ეკლესიების სულიერმა მამებმა სათანადოდ იქადაგეს დღის მნიშვნელობაზე - სებასტიაში წამებული და წმინდანებად შერაცხილი 40 ყრმის შესახებ, ყრმათა ისტორიის მაგალითზე დამსწრეებს მოუწოდეს, ცხოვრების ნებისმიერ განსაცდელში ყოფნისას უერთგულონ ქრისტიანულ სარწმუნოებას, იცხოვრონ სიყვარულით, იყვნენ კეთილგანწყობილნი და ჰქონდეთ მუდმივი მზაობა გაიღონ მსხვერპლი ზეციური გვირგვინის დასამსახურებლად.

ამის შემდეგ დიაკვანთა მიერ წაიკითხა 40 სებასტიელი მოწამის ისტორია. ღვთისმსახურების შემდეგ სულიერი მამების მიერ შესრულდა ტრადიციული ზეთის კურთხევა. ნაკურთხი ზეთი მორწმუნეებმა თან წაიღეს სახლებში.

სებასტიელი 40 ყრმის ხსენების დღე აღინიშნა საქართველოს სომეხთა ეპარქიის მოქმედ ეკლესიებში.