საქართველოს სომეხთა ეპარქიის „ჰაიარტუნ“ ცენტრში გაიხსნა გამოფენა სახელწოდებით „წერტილიდან წერტილამდე“

2025 წლის 29 მარტს, საქართველოს სომეხთა ეპარქიის წინამძღვრის მისი ყოვლადუსამღვდელოესობის ეპისკოპოს კირაკოს დავთიანის კურთხევით, ეპარქიის „ჰაიარტუნ“ ცენტრში (დირექტორი: ევგენია მარკოსიანი) გაიხსნა ახალგაზრდა მხატვრის, ანა ტოროსიანის გრაფიკული ნამუშევრების გამოფენა.

ხუთ ათეულზე მეტი სიურრეალიზმის მიმდინარეობაში შესრულებული გრაფიკული ნამუშევარი, რომელიც მაღალი ინტელექტუალური, ფილოსოფიური, ნათელი ილუზორული რეალობის აღქმის, უმაღლესი საშემსრულებლო და ტექნიკური უნარების, შრომატევადი მოთმინების შედეგად იკვრება და შინაარსში ერთიანდება, წარმოაჩენს მხატვრის პოტენციალს და სხვადასხვა იდეის ასახვის უნარს, რაც უდავოდ მიუთითებს ხელოვანის ფანტაზიის ფართო ჰორიზონტზე.

ანა ტოროსიანი ჯერ კიდევ სომხეთის სახვითი ხელოვნების აკადემიის გრაფიკული ხელოვნების განყოფილებაში სწავლისას გრძნობდა, რომ მხოლოდ ადამიანის გამოძერწვა არ იყო საკმარისი მისი შინაგანი სამყაროდან მომდინარე იდეების გამოსახატავად, და ამიტომ მიმართავს წერტილს, და წარმოგვიჩენს მის უხილავ შესაძლებლობას - ნებისმიერი საგანი და ნებისმიერი მოვლენა „წარმოშობიდან აღსრულებამდე“ გადის წერტილიდან წერტილამდე მანძილს, იწყება ერთი წერტილიდან და სრულდება სხვა წერტილში.

თბილისელმა სომეხმა მხატვრებმა მაის კირაკოსიანმა, არტიომ კირაკოზოვმა, ედუარდ მირზოიანმა და სხვებმა გამოფენაზე მიღებული შთაბეჭდილებების გაზიარებისას მაღალი შეფასება მისცეს წარმოდგენილ ნამუშევრებს. წარმოდგენილი ნამუშევრები, რომელიც წერტილების საშუალებით სიმეტრიულად ერთიანდება და სხვადასხვა ფორმას იძენს, დამთვალიერებელს სრულიად ახალ სამყაროს წარმოუჩენს.

ახალგაზრდა ხელოვანმა, რომელსაც სხვადასხვა გამოფენაში აქვს მონაწილეობა მიღებული როგორც სომხეთში და აგრეთვე მის ფარგლებს გარეთ, დიდი პატივი უწოდა თბილისელი სომეხი ხელოვნების მოყვარული საზოგადოების წინაშე საკუთარი ნამუშევრების წარდგენას და მადლიერება გამოხატა მიღებული მაღალი შეფასებისთვის.