საქართველოს სომეხთა ეპარქიის წინამძღვრის მილოცვა

საქართველოს სომეხთა ეპარქიის წინამძღვრის, მისი ყოვლადუსამღვდელოესობის, ეპისკოპოს კირაკოს დავთიანის მილოცვა კათოლიკოს შიო მუჯირისადმი საქართველოს მართლმადიდებელი ეკლესიის 142-ე კათოლიკოს-პატრიარქად არჩევასთან დაკავშირებით. მილოცვის წერილში, კერძოდ ნათქვამია:

თქვენო უწმინდესობავ,

სომეხთა სამოციქულო წმინდა ეკლესიის საქართველოს ეპარქიის სასულიერო დასისა და  მორწმუნე მრევლის  სახელით, ვუერთდებით ყოველითა სომეხთა კათოლიკოსს, მის უწმინდესობას გარეგინ მეორეს და  გულითადად გილოცავთ საქართველოს მართლმადიდებელი წმინდა ეკლესიის კათოლიკოს-პატრიარქად არჩევას. გისურვებთ ხანგრძლივ სიცოცხლესა და  მშვიდობიან, ნაყოფიერ  მსახურებას.

ყოვლისშემძლე ღმერთს შევავედრებთ ჩვენი ორი სამშობლოს - საქართველოსა და სომხეთის — მშვიდობასა და ჩვენი მამების რწმენის ურყეობის.

დაე, ღმერთმა თავისი დაუშრეტელი  მადლით შეამკოს თქვენი უწმინდესობის მსახურება ქართველი ერისა და სრულიად საქართველოს საკეთილდღეოდ.