Վիրահայոց թեմի առաջնորդի շնորհավորանքը

Վիրահայոց թեմի առաջնորդ Գրշ. Տեր Կիրակոս եպս. Դավթյանի շնորհավորական ուղերձը Կաթողիկոս  Շիո Մուջիրիին՝ Վրաց Ուղղափառ Սուրբ Եկեղեցու 142-րդ Կաթողիկոս-Պատրիարք ընտրվելու առիթով, որտեղ ի մասնավորի ասված է.

-Ձերդ Սրբություն,

Հայ Առաքելական Սուրբ Եկեղեցու Վիրահայոց թեմի հոգևոր դասի և հավատացյալ հոտի  անունից  միանում ենք   , Ն.Ս.Օ.Տ.Տ.  Գարեգին Բ Ամենայն Հայոց կաթողիկոսին և ի սրտե  շնորհավորում ենք  Վրաց Ուղղափառ Սուրբ Եկեղեցու կաթողիկոս-պատրիարք ընտրվելու առիթով, մաղթում  ենք երկար տարիների կյանք և խաղաղ ու   բարեբեր ծառայություն:

Աղոթում ենք Ամենազոր Աստծուն Վրաստան և Հայաստան մեր երկու հայրենիքների խաղաղության և մեր հայրերի հավատքի անսասանության համար:

Թող Աստված իր անսպառ շնորհներով զարդարի Ձերդ Սրբության ծառայությունը՝ ի բարօրություն վրաց ժողովրդի և համայն Վրաստանի: