ՌՈՒՍԹԱՎԻ «ՍԲ. ԳՐԻԳՈՐ ՆԱՐԵԿԱՑԻ» ԿՐԹԱՄՇԱԿՈՒԹԱՅԻՆ ԵՎ ԵՐԻՏԱՍԱՐԴՈՒԹՅԱՆ ԿԵՆՏՐՈՆ

2017 թվականի մայիսի 13-ը Ռուսթավի հայության համար դարձավ պատմական, քանզի հանդիսավորապես բացվեց Վիրահայոց Թեմի Սուրբ Գրիգոր Նարեկացու անվան հոգևոր, կրթության, մշակույթի և երիտասարդության կենտրոն, որի խնամատար նշանակվեց արժանապատիվ Տեր Նարեկ քահանա Ղուշչյանը: Կենտրոնի առաքելությունը հոգևոր, մշակութային և պատմական ժառանգության պահպանումը, զարգացումը և տեղի հայ ազգաբնակչությանը եկեղեցու շուրջ համախմբումն է:

Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի կողմից օծվեց Վեմ քարը և Սրբապատկերը, որի վրա ամեն կիրակի մատուցվում է  Սուրբ և Անմահ Պատարագ:

Հիմնադրման առաջին իսկ օրերից ձեռնամուխ լինելով աշխատանքներին, արդյունքում կենտրոնում ստեղծվեց և գործում է Սուրբ Եղիշեի անվան կիրակնօրյա դպրոց, որտեղ տարբեր տարիքի ռուսթավցի հայեր սովորում են տառաճանաչություն, տեղեկանում իրենց հոգևոր, մշակութային և պատմական ժառանգության մասին: Կիրանօրյա դպրոցը գործում է Վիրահայոց թեմի կրթական բաժնի ծրագրով:

Կենտրոնում գործում է «Բերկրի» երգչախումբը, որը  հայոց հոգևոր երգերի կատարմամբ գեղեցկացնում է կիրակնօրյա Սուրբ Պատարագները: Այստեղ սովորում են նաև հայկական ժողովրդական, էստրադային երգեր,

«Նեմրութ» պարային համույթը, որտեղ ոչ միայն սովորում են հայկական «Քոչարին», «Յարխուշտան», այլև հայոց ազգային պարը ներկայացնում է Ռուսթավի քաղաքում կազմակերպվող տարբեր միջոցառումներին:

Կենտրոնում նույնպես աշխատանքներ են տարվում ռուսթավցի երիտասարդներին համախմբելու և ազգային ոգի ներշնչելու, արժեքներին մոտեցնելու ուղղությամբ: Դրան նպաստում են այն հանդիպումները, դասախոսությունները և քննարկումները, որոնք պարբերաբար կազմակերպվում են Թեմի երիտասարդական բաժնի կողմից:

Ռուսթավի «Սուրբ Գրիգոր Նարեկացի» հոգևոր, կրթամշակութային և երիտասարդական կենտրոնի ղեկավարն է Ռուսթավի և Մառնեուլի քաղաքների հայության հոգևոր հովիվ արժանապատիվ Տեր Հովսեփ քահանա Հարությունյանը: Տեր Հովսեփը նաև Թբիլիսիի Սուրբ Էջմիածին եկեղեցու  հոգևոր հովվի օգնական հովիվն է:

Հեռ.571 00 07 89

Էլ. Փոստ. Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։