ԱՐՏԱԿ ՍԱՐԿԱՎԱԳ ԱՆՏՈՆՅԱՆ

Բարեշնորհ Արտակ սարկավագ Անտոնյանը ծնվել է 1993 թ.-ի սեպտեմբերի 25-ին, քաղաք Թբիլիսիում:

1998  թ.-ին ընդունվել է Թբիլիսիի թիվ 95 հայոց դպրոցը:

2010 թ.-ին տեղափոխվել է  թիվ 81 վրաց-հայկական դպրոց:

2011  թ.-ին ավարտել է Թբիլիսիի թիվ  81 հանրային  դպրոցի հայկական բաժինը:

2012 թ.-ին ընդունվել և ավարտել է  Մայր Աթոռ Սուրբ Էջմիածնի  Հառիճի Թրբանճյան ընծայարանի նախապատրաստական դասընթացը:

2012 թ.-ի սեպտեմբերին ընդունվել է Սևանի Վազգենյան հոգևոր դպրանոցը:

2016 թ.-ին ավարտել է հոգևոր դպրանոցը, ստացել  բակալավրի   աստիճան: Նույն թվականին տեղափոխվել է Գևորգյան հոգևոր ճեմարան, որտեղ շարունակել է ուսումը մագիստրատուրայում: Ուսանողության տարիներին Արտակ Անտոնյանը եղել է  հոգևոր ճեմարանի «Էջմիածին երգչախմբի անդամ, մասնակցել է Ռուսաստանի Դաշնությունում և Բելառուսի Հանրապետությունում հոգևոր երգչախմբերի փառատոներին:

2017 թ.-ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ԱՄՆ-ի Արևմտյան թեմ

կատարած   հովվապետական այցի շրջանակներում, «Էծմիածին» երգչախմբի կազմում

մասնակցել է մշակութային միջոցառումներին:

2016 թ.-ի դեկտեմբերին Սբ. Ստեփանոս նախավկայի տոնին, ձեռամբ Մուշեղ եպս.

Բաբայանի, ձեռնադրվել է սարկավագ:

2018 թ.-ին ավարտել է Գևորգյան հոգևոր ճեմարանի մագիստրատուրան: Նույն թվականին  Ն.Ս.Օ.Տ.Տ. Գարեգին Բ  Ամենայն հայոց կաթողիկոսի կողմից ծառայության է նշանակվել Վիրահայոց թեմում:

2018 թ.-ի հուլիսի 1-ից Վիրահայոց թեմի առաջնորդ Գերաշնորհ Տ․ Վազգեն եպիսկոպոս Միրզախանյանի   տնօրինությամբ բարեշնորհ Արտակ սարկավագ Անտոնյանը ծառայության է կոչվել Վիրահայոց թեմի քաղաք Թբիլիսիի Սուրբ Գևորգ  առաջնորդանիստ  եկեղեցում:

2020 թ.-ից ծառայում է Թբիլիսիի Սուրբ Գեւորգ առաջնորդանիստ եկեղեցում։

Բնակության վարը։

Ք․ Թիբիլիսի