Ալբերտ սարկավագ Արշակյան

Բարեշնորհ Ալբերտ սարկավագ Արշակյանը ծնվել է 1995 թվականի նոյեմբերի 3-ին քաղաք Բաթումիում:

2000 թվականին ընդունվել է Բաթումիի թիվ 6 դպրոցի հայկական մասնաճյուղ:

2010 թվականին տեղափոխվել է Բաթումիի թիվ 9 դպրոցի հայկական մասնաճյուղ:

2013 թվականին ավարտել է դպրոցը, ընդունվել է Մայր Աթոռ Սուրբ Էջմիածնի Հառիճի Թրբանճյան ընծայարան, որն ավարտել է 2014 թվականին:

2014 թվականին ընդունվել է Մայր Աթոռ Սուրբ Էջմիածնի Գևորգյան հոգևոր ճեմարան:

2018 թվականին ավարտել է ուսման առաջին հատվածը և ստացել է բակալավրի աստիճան: Նույն թվականից ուսումը շարունակել է մագիստրատուրայում:

2018 թվականի դեկտեմբերի 25-ին, Սուրբ Ստեփանոս Նախավկայի տոնին ձեռամբ Գերաշնորհ Տեր Հովնան եպիսկոպոս Հակոբյանի ձեռնադրվել է՝ ստանալով սարկավագի աստիճան:

2020 թվականին ավարտել է ուսումը Գևորգյան հոգևոր ճեմարանում:

2020 թվականի հոկտեմբերի 1-ից ծառայության է անցել Վիրահայոց թեմի Բաթումիի Սուրբ Փրկիչ եկեղեցում՝ որպես հոգևոր հովվի օգնական:

Ամուսնացած է: