Материалы

Հայոց ցեղասպանության 108-րդ տարելիցի կապակցությամբ Ոգեկոչման հուշ-երեկո

2023  թվականի  ապրիլի 24-ին, երեկոյան, Վիրահայոց թեմի առաջնորդ հգշ. Տեր Կիրակոս վրդ. Դավթյանի և Վրաստանում ՀՀ արտակարգ և լիազոր դեսպան Աշոտ Սմբատյանի նախաձեռնությամբ և հովանավորությամբ, Թբիլիսիի Վասո Աբաշիձեի անվան պետական նոր թատրոնում, Հայոց Ցեղասպանության 108-րդ տարելիցի կապակցությամբ տեղի ունեցավ Ոգեկոչման միջոցառում:

Իրենց պատվավոր ներկայությունն էին բերել Վրաստանի խորհրդարանի առաջին փոխխոսնակ  Գիորգի Վոլսկին, Վրաստանի Կրոնի հարցերով պետական գործակալության նախագահ Զազա Վաշախմաձեն, Վրաց Ուղղափառ Եկեղեցու Ջավախքի  Ախալքալաքի, Կումուրդոյի և Կարիի թեմի միտրոպոլիտ Բարձրաշնորհ Նիկոլոզ Փաչուաշվիլին, ՀՀ  և Վրաստանում  Սուրբ Աթոռի  առաքելական նվիրակ արքեպիսկոպոս  Ժոզե Ավելինո Բետանկուրը, օտարերկրյա դիվանագիտական կորպուսի, քույր Եկեղեցիների  ներկայացուցիչներ  և վիրահայ հասարակայնության  անդամներ:

34305281

Ներկաներին ուղղված  ողջույնի խոսքում Վրաստանում ՀՀ աւրտակարգ և լիազոր դեսպան Աշոտ Սմբատյանը անդրադարձ կատարեց 108 տարի առաջ հայ ժողովրդի  դեմ իրականացված ոճրագործությանը, մեկուկես միլիոն հայերի դեմ կատարված ցեղասպանությանը:  Պարոն դեսպանը ընդգծեց, որ մերժելով ատելությունն ու առճակատումը, սակայն շարունակել   ապրել հիշողության պահպանմամբ, որպեսզի այլևս ոչ մի տեղ  չլինեն  ոճրագործությունների նկրտումներ, որպեսզի չկրկնվեն նման արհավիրքները:

Թբիլիսիի Գ.Լեոնիձեի անվան վրացական գրականության պետական թանգարանի  տնօրեն Լաշա Բաքրաձեն իր խոսքում կարևորեց մարդ լինելու  գերագույն նպատակը՝  չմոռանալ անցյալը, պահել հիշողությունը, մերժելով ատելությունը՝  կերտել  ապագան: Իսկ նկարչուհի Իռեն Օհանջանովան, հանձինս իր պապի՝ ներկայացրեց  ցեղասպանությունից փրկված և Վրաստանում ապաստանած իր ընտանիքի պատմությունը, կարևորելով մարդ մնալու  գերագույն պատվիրանը:

Օրվա ծրագիրը  ներդաշնակված էր նաև գեղարվեստական համարներով, ստեղծելով հիշողության, հավատի և հույսի մթնոլորտ: Իրենց գեղեցիկ, հուզական և վարպետ կատարումներով  երեկոն գեղեցկացրին երգչուհի (սոպրանո) Հասմիկ Բաղդասարյանը,  դաշնակահարներ Անահիտ Ստելմաշովան և Արսեն Կարապետյանը:  

Երեկոյի ավարտին Վիրահայոց թեմի  առաջնորդ հոգեշնորհ  Տեր Կիրակոս վրդ. Դավթյանը, Վրաց Ուղղափառ  Սուրբ Եկեղեցու  Ախալքալաքի, Կումուրդոյի և Կարիի թեմի միտրոպոլիտ, Բարձրաշնոորհ Նիկոլոզ Փաչուաշվիլին, ՀՀ  և Վրաստանում  Սուրբ Աթոռի  առաքելական նվիրակ արքեպիսկոպոս  գերաշնորհ  Ժոզե Ավելինո Բետանկուրին իրենց  աղոթքով առ Աստված հայցեցին վասն հավատի և  վասն հայրենյաց Սուրբ Նասհատակների  բարեխոսությունը:

34348192N

3429886

Կոնտակտ

5, Samghebro St., 0105 – Tbilisi, Georgia
Phone: +995322724111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2024 Վիրահայոց թեմ. Բոլոր իրավունքները պաշտպանված են