Վիրահայոց թեմի «Հովհ. Թումանյան-150» հուշամեդալ՝ լրագրող Ռուզաննա Վարդերեսյանին

2023 թվականի հուլիսի 8-ին, Թբիլիսիի  Սուրբ Գևորգ առաջնորդանիստ  եկեղեցում, Վիրահայոց թեմի առաջնորդ  հգշ. Տեր Կիրակոս վրդ. Դավթյանը ընդունեց Հայաստանի Հանրային հեռուստատեսության նախկին լրագրող, այժմ «Զինվորի տուն» բարեգործական հասարակական կենտրոնի լրատվության և հասարակայնության հետ կապերի բաժնի ղեկավար Ռուզաննա Վարդերեսյանին: 

Բարձր գնահատելով ճանաչված լրագրողի կողմից   Վիրահայոց թեմի «Հովհաննես Թումանյանի տուն»  գիտական, մշակութային կենտրոնի կայացման աշխատանքներում ունեցած ներդրումը, Թեմակալ առաջնորդի տնօրինությամբ Ռուզաննա Վարդերեսյանը պարգևատրվեց Վիրահայոց թեմի «Հովհ. Թումանյան-150» հուշամեդալով:

Իր Հայրական օրհնության հետ միասին Հոգեշնորհ Հայր Սուրբը ճանաչված լրագրող Ռուզաննա Վարդերեսյանին հանձնեց հուշամեդալը և մաղթեց նրան նորանոր հաջողություններ: