Վիրահայոց թեմի առաջնորդը մասնակցեց Վրաստանում Գերմանիայի Դաշնության դեսպանության ընդունելությանը

Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը, Վրաստանում Գերմանիայի Դաշնության դեսպանության ընդունելությունների տանը մասնակցեց նախկին խորհրդային երկրներից, Բրազիլիայից և Գերմանիայից ժամանած գերմանական լյութերական եկեղեցու եպիսկոպոսների պատվին կազմակերպված ընդունելությանը: Ընդունելությունը կազմակերպել էր Վրաստանում Գերմանիայի Դաշնային Հանրապետության արտակարգ և լիազոր դեսպան Հուբերտ Քնիրշը՝ տիկնոջ հետ:
Հրավիրյալների թվում էին Վրաստանի խորհրդարանի նախագահ Իրակլի Կոբախիձեն, վրաց պետական-քաղաքական և հասարակական գործիչներ, հոգևոր սպասավորներ Վրաստանի Պատրիարքարանից, Հռոմեական-կաթոլիկ, Վրաստանի լյութերական և Մկրտական եկեղեցիների առաջնորդներ:
Հանդիպմանը ելույթներով հանդես եկան Վրաստանում Գերմանիայի Դաշնային Հանրապետության արտակարգ և լիազոր դեսպանը լյութերական-եկեղեցու հյուր եպիսկոպոսները:
Ընթրիքն անցավ ջերմ և հյուրընկալ մթնոլորտում: