Հայերեն 
ქართული 
English 
Русский 
Երիտասարդաց բաժնի կամավորների շրջայցը Թբիլիսիում
2020 թվականի հունվարի 19-ին, Վիրահայոց թեմի երիտասարդաց բաժնի նախաձեռնությամբ կազմակերպվեց երիտասարական կամավորական խմբի ճանաչողական շրջայցը կոլորիտային և բազմազգ Թբիլիսիում: Երիտասարդաց բաժնի ծրագրերի համակարգող Նինա Սերոպովայի գլխավորությամբ և բաժնի աշխատակից Էմիլ Սարգսյանի մասնակցությամբ, կամավորական խմբի անդամները, Հավլաբարի Սուրբ Էջմիածին եկեղեցուց շարժվեցին դեպի քաղաքի հնագույն թաղամաս: Երիտասարդները այցելեցին Մետեխի եկեղեցի, բարձրացան Նարիղալայի ամրոց, եղան մուսուլմանական մզկիթում, Բաղնիքների հարակից տարածքի կիրճում, կանգառ կատարեցին Սուրբ Գևորգ առաջնորդանիստ եկեղեցում, այցելեցին եբրայական Սինագոգա և ավարտեցին կիրակնօրյա շրջագայությունը Վրաց Ուղղափառ Եկեղեցու Սիոնի տաճարում:
Երիտասարդներին քաղաքի պատմության, պատմական, հոգևոր և մշակութային արժեքների պատմությանը ծանոթացնում էր Նինա Սերոպովան: Կամավորները տեղեկատվություն ստացան մայրաքաղաքի տարբեր ազգի բնակիչների, նրանց մշակույթի մասին, դիտեցին այլ դավանանքի հոգևոր տաճարները, ստացան տարբեր ազգերի և կրոնների, նրանց ծեսերի ու ավանդույթների մասին հետաքրքրող հարցերի պատասխանները:
Նման այցերը շարունակական են և պարբերաբար իրականացվում են ինչպես մայրաքաղաքում, այնպես էլ երկրի մյուս պատմական և հոգևոր վայրերում:
