Հայերեն 
ქართული 
English 
Русский 
Վիրահայոց թեմի առաջնորդական տեղապահը հանդիպեց երիտասարդների հետ
2020 թվականի օգոստոսի 7-ին, Վիրահայոց թեմի Թբիլիսիի առաջնորդանիստ Սուրբ Գևորգ եկեղեցում, հավարտ երեկոյան ժամերգության, կայացավ առաջնորական տեղապահ հոգեշնորհ Տեր Կիրակոս վարդապետ Դավթյանի հանդիպումը թեմի երիտասարդական բաժնի ներկայացուցիչների հետ:
Առաջնորդական տեղապահը, հղելով իր օրհնությունը ներկաներին, անդրադարձ կատարեց, ընդհանուր առմամբ ազգի, ժողովրդի և անհատի կյանքում հավատքի և կրոնի դերին և, ի մասնավորի կարևորեց Հայոց Եկեղեցու պատգամներով ապրելու, Քրիստոնեական պատվիրաններով առաջնորդվելու, Սուրբ Պատարագներին և ծեսերին մասնակցելու նշանակությունը: Հոգեշնորհ Կիրակոս վարդապետը խոսեց նաև Եկեղեցու շուրջը երիտասարդության համախմբվածության կարևորության մասին:
Այնուհետև հարց ու պատասխանի ձևաչափով ներկաները բարձրացրին Հայոց եկեղեցու ավանդական կանոնների վերաբերյալ իրենց հետաքրքրող հարցերը:
Հանդիպումն ավարտվեց առաջնորդական տեղապահի օրհնությամբ և ամփոփիչ խոսքով:Առաջարկություն եղավ նման հանդիպումները շարունակելու մասին:
Հանդիպմանը ներկա էին երիտասարդական բաժնի ծրագերի համակարգող Նինա Սերոպովան, վարչա-տնտեսական բաժնի տնօրեն Կարեն Երիցյանը և օպերատոր-լուսանկարիչ Գևորգ Պողոսովը:
