Հայերեն 
ქართული 
English 
Русский 
Վիրահայոց թեմի առաջնորդը հանդիպեց Վրաստանում ՄԱԿ-ի մանկական հիմնադրամի ներկայացուցչին
2020 թվականի օգոստոսի 17-ին, Թբիլիսիի Սբ. Գևորգ առաջնորդանիստ եկեղեցում Վիրահայոց թեմի առաջնորդ հոգեշնորհ Տեր Կիրակոս վարդապետ Դավթյանն ընդունեց Վրաստանում ՄԱԿ-ի Մանկական հիմնադրամի ներկայացուցիչ Հասան Խալիլին:
Հանդիպման ընթացքում Մանկական հիմնադրամի ներկայացուցիչը ներկայացրեց Երեխաների պաշտպանության ուղղությամբ Վրաստանում ծավալած աշխատանքների և նախանշած ծրագրերի մասին, որոնց ընդգրկված են նաև երկրի կրոնական և ազգային փոքրամասնության կառույցները: Հյուրը անդրադարձ կատարեց և անթաքույց գոհունակությամբ պատմեց հուլիս ամսվա սկզբներին Ջավախք կատարած իր այցի և այնուհետև այնտեղ կազմակերպած սեմինարի մասին:
Հգշ. Տեր Կիրակոս վարդապետը Հասան Խալիլին իրազեկեց երեխաների պաշտպանության ուղղությամբ Թեմում իրականացվող տարբեր դաստիարակչական և կրթա-մշակութային աշխատանքների, գործող նախակրթարանի և խմբակների մասին:
Հասան Խալիլի կողմից առաջարկություն արվեց նոյեմբեր ամսին թեմում, ի մասնավորի «Հայարտուն» կենտրոնում, կազմակերպել ՄԱԿ-ի Մանկական հիմնադրամի սեմինար հանդիպումը, ինչը առաջնորդի կողմից արժանացավ հավանության:
Հանդիպումն ավարտվեց ջերմ մթնոլորտում:
