Материалы

Նվեր ստանալու ուրախությունն էր տիրում Սբ. Մովսես Խորենացի նախակրթարանում

Գրեթե մեկ տարվա ընդմիջումից հետո Վիրահայոց թեմի Սբ. Մովսես Խորենացի նախակրթարանի սաներին ընձեռվեց վերստին միասին խաղալու, սովորելու, պարելու, երգելու, միասին օրն անցկացնելու բերկրանքը:

2021 թվականի մարտի 4-ին Վիրահայոց թեմի առաջնորդական տեղապահ հոգեշնորհ Տեր Կիրակոս վարդապետ Դավթյանը այցելեց «Սուրբ Մովսես Խորենացի» նախակրթարան: Թեմակալ առաջնորդը ուսուցիչներին շնորհավորեց երկարատև ընդմիջումից հետո նորից աշխատանքը սկսելու կապակցությամբ և մաղթեց նույն ավյունով և սիրով հագեցնել կենտրոնի գործունեությունը:

Հայր Սուրբը նախակրթարանի սաներին բաշխեց իր օրհնությունը, խոսեց այն երեխաների մասին, ովքեր հեռավոր արտասահմանից նվերներ են ուղարկել իրենց հասակակիցներին: Այդ նվերները Հիսուս Քրիստոսի՝ երեխաների նկատմամբ մեծ սիրո արտահայտությունն է: Այդ նվերները նաև սովորեցնում են սիրել Եկեղեցին և օրինակ վերցնել այդ սիրով ապրող իրենց հասակակիցներից: Հոգեշնորհ Տեր Կիրակոս վարդապետը «Սամարացիների քսակ» քրիստոնեական բարեգործական կազմակերպության գեղեցիկ տուփերը բաժանեց փոքրիկներին, նրանց պարգևելով նվեր ստանալու ուրախությունը:

«Սամարացիների քսակ» քրիստոնեական բարեգործական կազմակերպությունը, արդեն մի քանի տարի Վրաստանի տարբեր կրոնական կազմակերպությունների 3-14 տարեկան փոքրիկներին և անչափահասներին իր սերն ու բարությունը փոխանցում է Սուրբ Ծննդյան գեղեցիկ նվերներով, որոնք լի են ուրախությամբ, անակնկալով, զարմանքով և հետաքրքրությամբ:

Այս կազմակերպության Վիրահայոց թեմի աշխատանքների համակարգող արժանապատիվ Տեր Նարեկ քահանա Ղուշչյանի գլխավորությամբ այս տարի Վիրահայոց թեմի եկեղեցիներին հատկացվեց 5000 տուփ նվեր: Նվերները նախատեսված են եկեղեցիների հովանու ներքո գործող հոգևոր, մշակույթային և կրթական կենտրոնների նախակրթարանների, կիրակնօրյա դպրոցների, գեղարվեստական խմբերի մինչև 14 տարեկան սաների համար:

Айартун

Կոնտակտ

5, Samghebro St., 0105 – Tbilisi, Georgia
Phone: +995322724111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2024 Վիրահայոց թեմ. Բոլոր իրավունքները պաշտպանված են