Материалы

Երկրորդ ծաղկազարդի տոնակատարություն Թբիլիսիի Սբ. Էջմիածին եկեղեցում

2021 թվականի մայիսի 16-ին, Թբիլիսիի Հավլաբարի Սուրբ Էջմիածին եկեղեցում տոնականորեն նշվեց Երկրորդ Ծաղկազարդը:

Վիրահայոց թեմի առաջնորդ հոգեշնորհ Տեր Կիրակոս վարդապետ Դավթյանի հանդիսապետությամբ, Սուրբ և Անմահ Պատարագ մատուցեց այդ օրերին Թբիլիսիում հյուրընկալվող Հայ Առաքելական Սուրբ Եկեղեցու ԱՄՆի Արևմտյան թեմի ավագ քահանա Տեր Նարեկ Մատարյանը:

Հընթացս Սուրբ Պատարագի պատարագիչ քահանան իր քարոզի խոսքը սկսեց շնորհակալության խոսք՝ ուղղված  թեմակալ առաջնորդին, ում օրհնությամբ ինքը այս հինավուրց և գեղեցիկ ավանդույթներով հարուստ տաճարում  ներկա հավատացյալների հետ միասին Սուրբ Պատարագ մատուցելու հնարավորություն ունեցավ:

Արժանապատիվ Տեր Նարեկը հավուր պատշաճի  քարոզ խոսեց  օրվա խորհրդի մասին:  Այն, որ  Քրիստոսի Համբարձման տոնից հետո Հայ Առաքելական Սուրբ Եկեղեցին նշում է Երկրորդ Ծաղկազարդը: Վերջինս խորհրդանշում է Քրիստոսի հաղթական մուտքը Երուսաղեմ, երբ մարդիկ Տիրոջը դիմավորում էին փառաբանությամբ ու ցնծությամբ և արմավենու ճյուղեր սփռում Նրա առաջ:Երկրորդ Ծաղկազարդն արդեն համբարձված Քրիստոսի՝ Վերին Երուսաղեմ մտնելու հիշատակն է, երբ Նրան ցնծությամբ դիմավորում էին հրեշտակները:

Տեր Նարեկն իր քարոզն ավարտեց ներկաներին ուղղված հորդորով՝  հավատքի մեծ ուժով, առ  Քրիստոս  փառաբանությամբ  և աղոթքներով  անսասան մնալ  հավատքի, Աստծուն և Փրկչին նվիրվածության  մեջ:

Հավարտ Սուրբ Պատարագի Հայոց Եկեղեցու նվիրյալ  հարգարժան տիկին Նաիրա Մարկոսյանի կողմից  եկեղեցու բակում կատարվեց մատաղով հյուրասիրություն:

187218281

Կոնտակտ

5, Samghebro St., 0105 – Tbilisi, Georgia
Phone: +995322922248
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2021 Վիրահայոց թեմ. Բոլոր իրավունքները պաշտպանված են