Материалы

Նռնօրհնեքի կարգ Թբիլիսիի Սուրբ Գևորգ եկեղեցում

2021 թվականի դեկտեմբերի 31-ին, Թբիլիսիի Սուրբ Գևորգ առաջնորդանիստ եկեղեցում, Վիրահայոց թեմի առաջնորդ հոգեշնորհ Տեր Կիրակոս վարդապետ Դավթյանի հանդիսապետությամբ, կատարվեց Գոհաբանական մաղթանք և Նռնօրհնեք:

Հընթացս ծիսական արարողակարգի, Թեմակալ առաջնորդը  անդրադարձ կատարելով  Ն.Ս.Օ.Տ.Տ. Գարեգին Բ Ամենայն Հայոց կաթողիկոսի բարձր տնօրինությամբ,  Հայաստանյայց  բոլոր գործող եկեղեցիներում տարեմուտի օրը գոհաբանական մաղթանքից հետո  նռան օրհնության կարգով հին տարին ավարտելու  և նորը սկսելու մասին, հավուր պատշաճի խոսեց  արարողության խորհրդի մասին, զուգահեռ անցկացրեց  նռան հատիկների և Երկիր մոլորակի վրա բնակվող մարդկության միջև, որոնք թեև միատեսակ  են, բայց և նրանցից ոչ մեկը մյուսի նման չէ: Եվ որ նրանց բոլորին կապում է  հավատը, հույսը և սերը: Հայր Սուրբը ներկաներին շնորհավորեց գալիք  2022 թվականի կապակցությամբ, Նոր տարում խաղաղություն, առողջություն  և հաջողություններ մաղթելով  աշխարհին և մարդկանց:

Հգշ. Տեր Կիրակոս վարդապետի գլխավորությամբ,  հոգևորականաց դասի կողմից  շարականների երգեցողության  ուղեկցությամբ, օրհնվեց խորանի վրա փառահեղորեն շարված նռները և  բաժանվեց ներկաներին:

Վիրահայոց թեմի գործող  եկեղեցիներում Գոհաբանական աղոթքով և Նռնօրհնեքով եզրափակվեց  2021 թվականի ծիսական արարողությունների կարգը, բարեմաղթանքով մեկնարկեց  նոր՝ 2022 թվականը:

1

Կոնտակտ

5, Samghebro St., 0105 – Tbilisi, Georgia
Phone: +995322922248
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2022 Վիրահայոց թեմ. Բոլոր իրավունքները պաշտպանված են