Материалы

Գարնան բերկրանքը նախակրթարանի սաների ներկայացմամբ

2022 թվականի ապրիլի 8-ին, Վիրահայոց Թեմի «Հայարտուն» կենտրոնում կայացավ «Սուրբ Մովսես Խորենացի» նախակրթարանի՝ գարնանը նվիրված գեղեցիկ միջոցառում: Սաները ներկայացրին գարունն իր ողջ գեղեցկությամբ ու հմայքով: Երփներանգ ծաղիկներով զարդարված դահլիճում  այնպիսի տպավորություն էր ստեղծվել, ասես գարունն  իր ողջ գեղեցկությունը փորձել էր հանդիսատեսին փոխանցել մանուկների անկեղծ ժպիտի և դահլիճի գունագեղ զարդարանքի, գարնանային ծաղիկների գեղեցիկ հանդերձանքով հանդես եկող երեխաների միջոցով: Գարունը տոն է  ոչ միայն ծաղիկներով ու ջերմացնող Արևով,  այլև սիրասուն մայրերի տոնը,  որը  նշվում է հատկապես գարնան հրաշալի օրերին: Միջոցառման բովանդակության հենքում այն բարի ու անկեղծ ցանկությունն էր, որ գարունները հավերժ խաղաղ լինեն և մանուկները միշտ ժպտան:

Միջոցառումը, որին իր ներկայությունն էր բերել Վիրահայոց թեմի առաջնորդական տեղապահ հգշ. Տեր Կիրակոս վրդ. Դավթյանը, մեկնարկեց երեխաների շուրթերով ասված Տերունական աղոթքով և Հայր Սուրբի օրհնությամբ:

 Ողջունելով ներկաներին, կենտրոնի ղեկավար Եվգենյա Մարկոսյանը շնորհավորեց անցած  Մայրության և գեղեցկության տոնի կապակցությամբ, մաղթեց գարնանային տրամադրություն և զարթոնքի բերկրանք: Ղեկավար Մարկոսյանը շնորհակալություն հայտնեց բոլոր ծնողներին նախակրթարանի աշխատանքներին սատարելու համար:

2

Փոքրահասակները, որ գույնզգույն հագուստով իսկական ծաղիկներ էին դարձել, իրենց արտասանությամբ, երգով, պարով և գեղեցիկ շարժումներով գարնանային շունչ և տրամադրություն բերեցին ներկաներին: Կարևորվեց փոքրիկների  ուրախ ելույթներում ներառված դաստիարակչական նրբերանգը.  միասին լինելու, հոգատարությամբ գործելու անհրաժեշտությունը, որն արտահայտվեց փոքրիկների կողմից  ծաղիկների և Արևի տեսքով:

Վիրահայոց թեմի առաջնորդական Տեղապահն իր օրհնության խոսքում գնահատանքի  խոսքեր ուղղեց նախակրթարանի  մանկավարժներ  Սյուզանա Բրուտյանին, Աիդա Բազոյանին, դայակ Երինազ  Բաղդասարյանին,»Հայարտուն» կենտրոնի ղեկավար անձնակազմին և աշխատակիցներին, ում նվիրական ու ժրաջան աշխատանքի շնորհիվ  նախակրթարանում և ընդհանուր առմամբ  կենտրոնում իրականացվում է հայ երեխային հայկական շնչով մեծացնելու, հայ մշակույթով դաստիարակելու  ազգանվեր աշխատանքը: Հայր Սուրբը բարձր գնահատեց նախակրթարանում կազմակերպվող հանդեսներում նկատվող ճաշակն ու ստեղծագործական մոտեցումները:

Վերջում «Սուրբ Մովսես Խորենացի» նախակրթարանի սաները  ստացան իրենց  դիմանկարով հայերեն օրացույցներ:

3

Կոնտակտ

5, Samghebro St., 0105 – Tbilisi, Georgia
Phone: +995322724111
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2024 Վիրահայոց թեմ. Բոլոր իրավունքները պաշտպանված են