Материалы

Հանդիպում Վրաստանի նախագահի նստավայրում

Համայն Վրաստանը ապրիլի  14-ին նշում է մայրենի լեզվի օրը:

2022 թվականի ապրիլի 14-ին, մայրենի լեզվի օրվան նվիրված, Թբիլիսիի Օրբելիանների նախագահական նստավայրում, Վրաստանի նախագահի վարչության նախաձեռնությամբ, կայացավ Վրաստանի նախագահ Սալոմե Զուրաբիշվիլիի հանդիպումը մայրաքաղաքի դպրոցների աշակերտների և բուհերի սովորողների հետ:

Վրաստանի կառավարության խորհրդարանային քարտուղարի ծառայության առաջին կարգի խորհրդատու Կարեն Եղիազարյանի աջակցությամբ, հանդիպմանը հրավիրված էին նաև դպրոցականներ  և ուսանողներ վիրահայ համայնքից, հրավիրյալների շրջանում էին Վիրահայոց թեմի երիտասարդական հարցերի բաժնի ներկայացուցիչներ Նինա Սերոպովան և  Էմիլ Սարգսյանը: 

Հանդիպմանը կայացավ արվեստագետ Շոթա Սագանելիձեի՝ ականավոր վրացի գործիչների հազվագյուտ դիմանկարների ցուցադրություն, ինչպես նաև տեղի ունեցավ     մայրենի լեզվին նվիրված վրացական  գրի պատմության և զարդանախշ գեղագրության ինստալյացիաների  շնորհանդես:   

Վրաստանի նախագահ Սալոմե Զուրաբիշվիլին  ներկաներին շնորհավորեց  մայրենի լեզվի օրվա կապակցությամբ: Հանդիպումն անցավ տոնական ջերմ մթնոլորտում:

2

Կոնտակտ

5, Samghebro St., 0105 – Tbilisi, Georgia
Phone: +995322922248
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2022 Վիրահայոց թեմ. Բոլոր իրավունքները պաշտպանված են