Հայերեն 
ქართული 
English 
Русский 
Ք. Ռուսթավիում Սուրբ Հարության տոնը և Ծաղկազարդը տոնվեց միասին
2023 թվականի ապրիլի 16-ին, ք.Ռուսթավիի հայ համայնքը, Վիրահայոց թեմի առաջնորդ հգշ. Տեր Կիրակոս վրդ. Դավթյանի օրհնությամբ, թեմի Ռուսթավիի «Սբ.Գրիգոր Նարեկացի»հոգևոր, կրթամշակութային կենտրոնում տոնեց Կրկնազատիկը՝ Մեր Տեր Հիսուս Քրիստոսի Հրաշափառ Հարության տոնը:
Կենտրոնի հոգևոր հովիվ արժ. Տեր Հովսեփ քահանա Հարությունյանի մատուցած Սբ. Պատարագից հետո, տեղի ունեցավ զատկական հանդիսություն, որին մասնակցում էին նաև Թբիլիսիից ժամանած հյուրեր: Օրհնվեցին գույնզգույն հավկիթները և տոնական սեղանները: Ավանդական ձվակռվին մասնակցում էին թե՛ մեծերը, թե՛ փոքրերը: Օրն ավարտվեց Սուրբ Հարության պարգևած բարձր տրամադրությամբ և ամենուրեք տարածվող զատկական շնորհավորանքով. «Քրիստոս հարյավ ի մեռելոց» «Օրհնյալ է հարությունը Քրիստոսի» ավետիսով:
