Կրոնի գործակալության նախագահը շնորհավորեց Վիրահայոց թեմի առաջնորդին եպիսկոպոսական ձեռնադրության և օծման կապակցությամբ

2023 թվականի հոկտեմբերի 1-ին,  Վրաստանի կառավարության վարչությունում կայացավ հանդիպում  Կրոնի հարցերով պետական գործակալության նախագահ Զազա Վաշախմաձեի և   Հայ Առաքելական Սուրբ Եկեղեցու Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանի միջև: 

Գործակալության նախագահը շնորհավորեց Վիրահայոց թեմի առաջնորդին եպիսկոպոսական ձեռնադրության և օծման կապակցությամբ և գոհունակություն հայտնեց  Կրոնի գործակալության հետ Վիրահայոց թեմի  արգասաբեր համագործակցության  համար:  Պարոն Վաշախմաձեն արժևորեց նաև համագործակցությունը միջկրոնական խորհրդակցության ձևաչափով, որին ակտիվորեն ընդգրկված է  Վիրահայոց թեմը:

Գրշ. Տեր Կիրակոս եպիսկոպոսը  շնորհակալություն հայտնեց գործակալության նախագահին շնորհավորանքի և  բարեմաղթանքների համար և հայտարարեց, որ նոյեմբերի 16-ին, հանդուրժողականության միջազգային օրը Վիրահայոց թեմը  պատրաստ է հյուրընկալելու միջկրոնական խորհրդակցական խորհրդի անդամներին:

Կրոնի գործակալությունում կայացած հանդիպմանը ներկա էր նաև Կրոնի գործակալության մարտավարական  հետազոտության, վերլուծության և  տարածաշրջանների  հետ ծառայության պետ Նինո Ճավճավաձեն: