Դանիայի խորհրդարանային պատվիրակությունը և դեսպան Անն Թովթ Սորենսենը այցելեցին Վիրահայոց թեմի Սբ. Գևորգ առաջնորդանիստ եկեղեցի

2024 թվականի մարտի 5-ին Վիրահայոց թեմում հյուրընկալվեցին Դանիայի խորհրդարանային պատվիրակության անդամները և Վրաստանում Դանիայի դեսպան Անն Թովթ Սորենսենը:

Կայացած զրույցի ընթացքում  Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանը հյուրերին ծանոթացրեց  Հայաստանյայց Առաքելական Սուրբ Եկեղեցու Վիրահայոց թեմի գործունեության, թեմի առջև ծառացած խնդիրների  և ապագայի ծրագրերի մասին:

Վիրահայոց թեմը խորին շնորհակալություն է  հայտնում Դանիայի խորհրդարանային  պատվիրակության անդամներին և Վրաստանում Դանիայի  դեսպանին՝  այցելության  և Վիրահայոց թեմի նկատմամբ ցուցաբերած  հետաքրքրության համար:

Հանդիպմանը  մասնակցում էր  համայնքային  նախաձեռնությունների զարգացման հիմնադրամի ղեկավար Մարի Միքոյանը: