Նիդեռլանդների թագավորության բարձրաստիճան հյուրերն այցելեցին Վիրահայոց թեմի Սբ. Գևորգ առաջնորդանիստ եկեղեցի

Այսօր, 2024 թվականի մարտի 26-ին, Հայ Առաքելական Ուղղափառ Սուրբ Եկեղեցու Վիրահայոց թեմը հյուրընկալեց Կրոնի և  դավանանքի հարցերով Նիդեռլանդների  պատվավոր  դեսպանորդ  տիկին Բեյա Թեն Տուշերին, Նիդեռլանդների արտաքին գործերի նախարարության քաղաքական օֆիցեր  պարոն Ալեքսանդեր  Ակերբոոմին,   Վրաստանում Նիդեռլանդների դեսպան տիկին Մելինե Առաքելյանին և դեսպանության աշխատակցուհի  Լելա Լոմիային:   

Կայացած հանդիպման ընթացքում Վիրահայոց թեմի առաջնորդ Գրշ. Տեր Կիրակոս եպս. Դավթյանը հյուրերին ծանոթացրեց թեմի աշխատանքների յուրահատկության և  ապագա պլանների հետ:

Սրբազան հայրը շնորհակալություն հայտնեց Վիրահայոց թեմի նկատմամբ ցուցաբերած հետաքրքրության համար, և հյուրերին հրավիրեց դիտելու Սուրբ Գևորգ առաջնորդանիստ եկեղեցին:

Նշված հանդիպմանը  մասնակցում էին Համայնքային նախաձեռնությունների զարգացման հիմնադրամի  ներկայացուցիչները: