Գեղանկարիչ Գեորգի Մանոյանի հերթական անակնկալը

Գեղանկարիչ, Թբիլիսիի նախկին բնակիչ  Գեորգի Մանոյանը, տարիների ստեղծագործական կյանքի նպատակ է դարձրել Թբիլիսիի  հայկական հետքի և տեսարժան վայրերի գեղանկարչական պատկերումը: Նրա գրաֆիկական և յուղաներկ աշխատանքներից շատերը զարդարում են Վիրահայոց թեմի  կենտրոնների պատերը:

Այս անգամ էլ ԱՄՆ-ից ժամանած  գեղանկարիչը, 2024 թվականի օգոստոսի 31-ին,  արժանանալով Վիրահայոց թեմի առաջնորդ Գրշ. Տեր Կիրակոս եպիսկոպոս  Դավթյանի օրհնությանը,  թեմի «Հովհաննես Թումանյանի տուն» գիտամշակութային կենտրոնին  մատուցեց հերթական հաճելի անակնկալը՝ նվիրելով   Սբ. Գևորգ  եկեղեցու յուղաներկ պատկերը: