Հայերեն 
ქართული 
English 
Русский 
Ջրօրհնեքի արարողություն Վիրահայոց թեմի Թբիլիսիի եկեղեցիներում
Հայաստանյայց Առաքելական Սուրբ Եկեղեցում ընդունված կարգի համաձայն, Նորօրհնյալ Սրբալույս Մյուռոնով Թեմերում կատարվում է ջրօրհնեքի արարողություն:
2024 թվականի հոկտեմբերի 20-ին, Վիրահայոց թեմի Թբիլիսիի Սուրբ Գևորգ առաջնորդանիստ և Հավլաբարի Սուրբ Էջմիածին եկեղեցիներում կատարվեց Նորօրհնյալ Սրբալույս Մյուռոնով ջրի օրհնության կարգ:
Թբիլիսիի Սուրբ Գևորգ առաջնորդանիստ եկեղեցում, կիրակնօրյա Սուրբ Պատարագը մատուցեց Գերաշնորհ Տեր Կիրակոս եպիսկոպոս Դավթյանը:
Հընթացս Սբ. Պատարագի, Սրբազան Հայրը իր քարոզ խոսքում հավուր պատշաճի մեկնաբանեց Սբ. Մյուռոնի խորհուրդը, հավատացյալներին ի գիտություն հայտնելով, թե երբ և ում ձեռամբ է կիրառվում Սրբալույս Մյուռոնը և օրհնված ջրից հավատացյալները ինչպես պետք է օգտվեն:
Հավարտ Սուրբ Պատարագի Վիրահայոց թեմի առաջնորդ Գրշ. Տեր Կիրակոս եպիսկոպոս Դավթյանի ձեռամբ Նորօրհնյալ Սբ. Մյուռոնով օրհնվեց ջուրը և բաժանվեց հավատացյալներին: Հավլաբարի Սուրբ Էջմիածին եկեղեցում նույնպես հավատացյալները օրհնված ջուր տարան իրենց հետ:
