Վիրահայոց թեմը միացավ համահայկական աղոթքին

Վիրահայոց թեմը, արձագանքելով  Ն.Ս.Օ.Տ.Տ. Գարեգին Բ  Ամենայն Հայոց կաթողիկոսի կոչին, 2024 թվականի նոյեմբերի 10-ին, Թբիլիսիի Սբ. Գևորգ առաջնորդանիստ եկեղեցում,  հավարտ կիրակնօրյա Սուրբ Պատարագին,իր ձայնը միացրեց  համահայկական աղոթքին:

Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանը հավուր պատշաճի մեկնաբանեց արցախահայերի իրավունքների պաշտպանության, մասնավորապես, Ադրբեջանի կողմից առևանգված, գերեվարված և Բաքվում շինծու մեղադրանքներով ապօրինաբար պահվող զինծառայողների, քաղաքացիական անձանց և Արցախի Հանրապետության ռազմաքաղաքական ղեկավարության ներկայացուցիչների համար  համընդհանուր աղոթք բարձրացնելու նշանակությունը:  

Համահայկական աղոթքը  կոչ է,  հորդոր է  համայն մարդկությանը ազգային պատկանելության մեղադրանքով  գերեվարված հայորդիներին ազատ արձակելու աղերսով, որին   թեմակալ առաջնորդի նախագահությամբ  բարձրացված աղոթքին  միացավ վիրահայ  հավատացյալը: