Հայերեն 
ქართული 
English 
Русский 
Երեխաների պաշտպանության օրը նշվեց Թբիլիսիի Սբ. Էջմիածին եկեղեցում
2019 թվականի հունիսի մեկին աշխարհի բազում երկրներում նշվեց երեխաների պաշտպանության միջազգային օրը: Այն տոնական դարձավ նաև Վրաստանի 
մայրաքաղաքում և տարբեր տարածաշրջաններում բնակվող հայ 
երեխաների համար: Վիրահայոց թեմի առաջնորդի օրհնությամբ և «Հայարտուն» կենտրոնի աջակցությամբ ուրախ ժամանցային ծրագիր իրականացվեց «Սուրբ Մովսես Խորենացի» նախակրթարանի սաների համար:
Հավլաբարի Սուրբ Էջմիածին եկեղեցու բակում տարածվեց երգն ու երաժշտությունը երեխաների մոտ ստեղծելով ուրախ տոնական տրամադրություն: «Հայարտուն» կենտրոնի ղեկավար Եվգենյա Մարկոսյանը շնորհավորեց երեխաներին, փոխանցեց թեմակալ առաջնորդի օրհնությունը և երջանիկ ու անհոգ մանկության մաղթանքը:
Փոքրիկներին միացան նրանց քույրերն ու եղբայրները, նաև աշակերտներ մայրաքաղաքի թիվ 103 և 104 հայկական ուսուցմամբ դպրոցներից: Մանկական զվարճալի երգն ու պարը տրամադրող էին: Խաղվարներ Հենրիխ Պետրոսյանի և Մարի Պողոսովայի կազմակերպած 
տարբեր խաղ-մրցույթներին շուտով 
ներգրավվեցին բոլոր մանուկները:
Երեխաների մի խումբ էլ զվարճանում էր ասֆալտի վրա պատկերներ նկարելով: Տարբեր մանկական երգերի ուղեկցությամբ ընթացող խաղ-մրցույթները ավարտվում էին բուռն ծափահարություններով և զվարթ բացականչություններով:
Միջոցառման ընթացքում նկարներով պատվեցին երեխաների դեմքերը: Հավլաբարի Սբ. Էջմիածին եկեղեցու հոգևոր դասի կողմից երեխաները հյուրասիրվեցին պաղպաղակով: Երեխաների պաշտպանության օրը Վիրահայոց թեմում ընթացավ ուրախ, զվարճալի և գունեղ:
Վիրահայոց թեմի մամլո դիվա
