Հոգեհանգստյան կարգ «Սուրմալու» առևտրի կենտրոնում տեղի ունեցած պայթյունի զոհերի հոգու խաղաղության համար

Այսօր, 2022 թվականի օգոստոսի 18-ին,  Վիրահայոց թեմի գործող եկեղեցիներում, թեմակալ առաջնորդ հգշ. Տեր Կիրակոս վարդապետ Դավթյանի օրհնությամբ, կատարվեց  հոգեհանգստյան կարգ Երևանի «Սուրմալու» առևտրական կենտրոնում տեղի ունեցած պայթյունից մահացած անմեղ զոհերի հոգիների խաղաղության համար:
Թբիլիսիի Սուրբ Գևորգ առաջնորդանիստ և Հավլաբարի Սուրբ Էջմիածին եկեղեցիներում, հոգևորականաց և սարկավագաց դասի մասնակցությամբ կատարված ընդհանրական  հոգեհանգստյան արարողությունը նաև հորդոր էր հայորդիներին աջակից ու զորավիգ լինել միմյանց այս ծանր իրավիճակը հաղթահարելու համար:

Ներկաները  մոմեր վառեցին ննջեցյալների հոգու խաւղաղության համար: