Վիրահայոց թեմի ուխտավորները մասնակցեցին Մայր Աթոռ Սուրբ Էջմիածնի տաճարի Վերաօծման և Մյուռոնօրհության արարողություններին

2024 թվականի սեպտեմբերի 28-29-ը Հայոց պատմության էջերում ամրագրվեց Մայր Աթոռ Սուրբ Էջմիածնի տաճարի Վերաօծման և Մյուռոնօրհության անջնջելի արարողություններով: 

Սրբալույս Մյուռոնի օրհնության և Սուրբ Էջմիածնի տաճարի վերաօծման Սրբազան արարողությունների Հայրապետականհանդիսավորթափորի և Հայրապետական Սուրբ Պատարագի մասնակից էին Վիրահայոց թեմի առաջնորդ Գրշ. Տեր Կիրակոս եպս. Դավթյանը,  Սամցխե Ջավախքի և Ծալկայի Ընդհանուր Առաջնորդական փոխանորդ  Հգշ. Տեր Նշան վարդապետ Հմայակյանը:

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ և հրավերքով Հայաստյայց Եկեղեցու Սրբազան արարողություններին իր  ներկայությունն էր  բերել Վրաց ուղղափառ եկեղեցու Սուրբ Սինոդի անդամ, Ախալքալաքի, Կումուրդոյի և Կարսի միտրոպոլիտ Նիկոլոզ Փաչուաշվիլին:

Հայ քրիստոնյայի համար բաղձալի այդ օրերին, Վիրահայոց թեմի առաջնորդ Գրշ. Տեր Կիրակոս եպս. Դավթյանի օրհնությամբ և աջակցությամբ  ՀՀ  Վաղարշապատ քաղաքում հոգևոր Սրբազան արարողությունների ականատեսն ու մասնակիցը դարձան հարյուրավոր հավատացյալներ Վիրահայոց թեմից. Բաթումիի, Ախալքալաքի, Նինոծմինդայի, Ախալցիխեի և  Ծալկայի տարբերշրջաններից ու հոգևոր համայնքներից, Թբիլիսիից և Վրաստանի հայաբնակ մյուս  բնակավայրերից: Արժանապատիվ Հոգևոր հայրեր Տեր Սամվել քհն. Թորոսյանի, Տեր Արարատ քհն. Գումբալյանի, Տեր Նարեկ քհն. Տիգրանյանի, Տեր Ղևոնդ քհն.Թազայանի գլխավորությամբ  և  բարեշնորհ  դպիրների ու սարկավագների  ուղեկցությամբ:Սրբալույս Մյուռոնի օրհնության արարողությունը, որն ընթացավ «Դրոշմ ինքնութեան»  կարգախոսի ներքո, դարձավ նվիրական է ամեն մի հայի համար:

Հազարավոր ուխտավորներ Սրբալույս մյուռոնի օրհնության արարողությունիցհետո, ունկնդիրը դարձան Ամենայն Հայոց Կաթողիկոսի հայրական պատգամին՝ ուղղված  պատերազմի արհավիրքներ  ու կորուստներ կրած իր ժողովրդին և մաղթանքով, որ նոր Մյուռոնը հոգևոր ուժ և վերհառնումի զորություն բերի հայ ժողովրդին:

Վարագա Սուրբ Խաչի տոնին, Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի ձեռամբ Մայր Տաճարի վերաօծման արարողությունից և Հայրապետական Սուրբ Պատարագից հետո  ներկաների առջև վերանորոգումից հետո իր դռները լայնորեն բացեց էլ ավելի շքեղ դարձած Սուրբ Էջմիածնի (301-303)Հայոց զորավոր տաճարը: 

Հավատքի նոր ուժով լիցքավորված ու ներշնչված, հոգեպես էլ ավելի ամրացած  ուխտավորները, սրտի փափագով աղոթք արեցին Մայր տաճարում և մոմեր վառեցին  տաճարի տարբեր սրահներում: