Անցնող տարվա ավարտական արարողությունը՝ Նռնօրհնեքը Վիրահայոց թեմի եկեղեցիներում

2024 թվականի դեկտեմբերի 31-ին Վիրահայոց թեմի գործող եկեղեցիներում տարին ավարտվեց Նռնօրհնեքի  արարողությամբ որը դեռևս 2015 թվականին  սահմանել է Ն.Ս.Օ.Տ.Տ. Գարեգին Երկրորդ Ամենայն Հայոց Հայրապետը: Նռնօրհնեքով  ավարտվում է հին տարին և սկսվում նորը: Նուռը խորհրդանշում է տարին և նրա յուրաքանչյուր օրը:

Թբիլիսիի Սուրբ Գևորգ առաջնորդանիստ եկեղեցում, երեկոյան ժամերգության վերջում, Վիրահայոց թեմի առաջնորդ Գրշ. Տեր Կիրակոս եպս. Դավթյանի  գլխավորությամբ և  հոգևոր դասի մասնակցությամբ տեղի ունեցավ Ժամերգություն և Գոհաբանական մաղթանք:

Գրշ. Տեր Կիրակոս եպիսկոպոսը օրհնեց խորանը զարդարող նռներն  և ներկաներին շնորհավորեց գալիք 2025 թվականի կապակցությամբ՝ համայն  աշխարհին,   Մայր հայրենիքին ու Վրաստանին  մաղթելով խաղաղություն, մարդկանց՝  առողջություն և բարեկեցություն:

Հոգևոր արարողության վերջում  Գրշ. Տեր Կիրակոս եպիսկոպոսը դիմելով հավատացյալներին, խոսեց նռնօրհնեքի խորհրդի մասին բացատրելով, որ հայկական ավանդության մեջ նուռը  կրում է Երկրագնդի խորհուրդը, աշխարհում ապրող տարբեր ազգերին ու ժողովուրդներին, ունի աշխարհի, կյանքի ծաղկունքի և առատության իմաստ: Տեր Կիրակոս եպիսկոպոսը բացատրեց նաև Քրիստոնեական խորհրդաբանության մեջ նռան՝ Հիսուս Քրիստոսի հեղած արյան խորհրդապատկեր լինելը:

Հավարտ արարողության օրհնված նուռը բաժանվեց ներկանեհրին:

Գոհաբանական աղոթքով և նռնօրհնեքի արարողությամբ ավարտվեց հին տարին Վիրահայոց թեմի գործող եկեղեցիներում: