Թբիլիսիի Հայոց եկեղեցիներում կատարվեց Ոտնլվայի կարգ և յուղի օրհնություն

2025 թվականի ապրիլի 17-ին՝ Ավագ հինգշաբթի օրը  քրիստոնեական եկեղեցիներում  կատարվեց Ոտնլվայի արարողություն. Քրիստոս վերջին ընթրիքից հետո, ցուցաբերելով ճշմարիտ հեզության ու խոնարհության օրինակ, լվանում է իր աշակերտների ոտքերը: Թեմի եկեղեցիների հոգևոր հայրերը, Տիրոջ այս օրինակով,  շարականների երգեցողության ներքո, եկեղեցու խորանին ծնկաչոք կատարեցին ոտնլվայի կարգ և օծեցին օրհնված յուղով:

Վիրահայոց թեմի Թբիլիսիի Սբ,Գևորգ առաջնորդանիստ եկեղեցում թեմակալ առաջնորդ  Գրշ, Տեր Կիրակոս եպիսկոպոս Դավթյանը կատարեց ոտնլվայի կարգ,  լվաց եկեղեցու հոգևոր հայրերի, սպասավորների և ծառայողների ոտքերը և  օրհնված յուղով օծեց:

Արարողությունից հետո օրհնված յուղը բաժանվեց հավատացյալներին:Հավլաբարի Սբ, Էջմիածին եկեղեցում   նույն խոնարհությամբ Ոտնլվայի կարգը իրականացրեց եկեղեցու ծառայող արժանապատիվ Տեր Կիրակոս քահանա Սիմոնյանը։