Թբիլիսիի Հայոց եկեղեցիներում նշվեց Քրիստոսի չարչարանքների և խաչելության արարողակարգը

2026 թվականի ապրիլի 3-ին, Վիրահայոց թեմի գործող եկեղեցիներում կատարվեցին

Ավագ Ուրբաթ օրվա արարողությունները: Ավագ Ուրբաթը Հիսուս Քրիստոսի չարչարանաց,

խաչելության, մահվան ու թաղման հիշատակության օրն է:

Այս Սուրբ Խորհրդին հաղորդակից լինելու սրտագին փափագով թբիլիսահայ եկեղեցասեր կանայք Սբ. Գևորգ առաջնորդանիստ և Հավլաբարի Սբ. Էջմիածին եկեղեցիներում

ծաղիկներով ու ճյուղերով զարդարեցին Տիրոջ գերեզմանը: Այնուհետև հավատացյալ

հայորդիները համախմբվեցին Թեմի տարբեր եկեղեցիներում միասնական աղոթքի և Տիրոջ

չարչարանքներին հաղորդակից լինելուն։Այդ օրը թեմի եկեղեցիներում առավոտյան

ժամերգությունից հետո տեղի ունեցավ Խաչելության կարգ: