Материалы

Վիրահայոց թեմի պատվիրակությունը Բերդավանում մասնակցեց Հայոց բանակի 30-ամյակի տոնակատարությանը

2022  թվականի հունվարի 28-ին, Վիրահայոց թեմի առաջնորդական տեղապահ հգշ. Տեր Կիրակոս վրդ. Դավթյանի  օրհնությամբ  և աջակցությամբ, թեմի պատվիրակությունը,   մասնակցեց ՀՀ Տավուշի մարզի Բերդավան սահմանամերձ գյուղում Հայոց բանակի 30-ամյակին նվիրված միջոցառումներին:

Պատվիրակության կազմում էին  Վիրահայոց թեմի բարեշնորհ սարկավագ Գևորգ Ավետիսյանը, մշակույթի բաժնի պատասխանատու Սուրեն Աբրահամյանը, դուդուկի դասարանի ուսուցիչ Իվանե Մկրտչյանը, հնչյունային  օպերատոր Սերգեյ  Արությունյանը  և ստեղծագործական խմբերի սաներ:

«Հայարտուն» կենտրոնի (ղեկավար՝ Եվգենյա Մարկոսյան)  և  Բերդավան համայնքի (հիմնադրամի նախագահ՝ Սմբատ Մուղդուսյան) միջև  հաստատված  հարաբերությունները ավանդական են, պարուրված բարեկամության, համագործակցության, փոխադարձ այցելությունների  ջերմությամբ և սիրով: Սակայն այս տարվա այցելությունը հուզմունքախառն էր, դառնալով Հայոց բանակի   30-ամյա հոբելյանի առիթով հայրենասիրության, անձնազոհության, տունը պահպանելու  և Հայոց բանակը զարգացնելու և  ամրապնդելու  գաղափարների արտահայտություն:

Հայրենիքի սահմանները խիզախորեն պաշտպանող և պահպանող  հերոսական  բերդավանցիները, հարգելով 44-օրյա արցախյան պատերազմում  զոհված  իրենց հայրենակիցների լույս հիշատակը, տոնակատարությունը սկսեցին  հուշահամալիր այցելությամբ և  ծաղիկներ խոնարհելով:

272872998 485993509584477 7463492481022250498 N

Հուզմունքախառն, հայրենասիրության ոգով տոգորված միջոցառումը նվիրվեց այն մարդկանց, ովքեր այսօր էլ ուժ, եռանդ և անգամ կյանքը չեն խնայում հայրենիքի պաշտպանության և բանակաշինության գործում: Մշակույթի  տանը տեղի ունեցավ համերգ, որտեղ հնչեցին  հայրենիքին, նրա հերոսներին նվիրված երգեր, հայկական խրոխտ պարեր:  Տոնական միջոցառումը իրենց  կատարումներով  գեղեցկացրին «Հայարտուն» կենտրոնի մենակատար  Աիդա Բազոյանը, դուդուկահար  Իվանե Մկրտչյանը և «Տարոն» պարի խումբը:

 Գևորգ սարկավագ Ավետիսյանը  փոխանցեց  թեմակալ առաջնորդ հգշ. Տեր Կիրակոս վրդ. Դավթյանի օրհնությունը և շնորհավորանքները, նաև  մաղթանքները՝ անփորձանք ծառայություն Հայոց բանակի  բոլոր  զինվորականներին, և  ողջ-առողջ վերադարձ նորակոչիկներին: Միջոցառման ղեկավարները և կազմակերպիչները բարձր գնահատեցին Վիրահայոց թեմի պատվիրակության այցելությունները, որոնք ոգեշնչող են, ուրախացնող և մայր հայրենիքի սահմանները  անսասան պահելու հորդոր:

Նույն օրը ուշ երեկոյան  թեմի պատվիրակությունը վերադարձավ  Թբիլիսի:

272866399 485993556251139 5780948876262637340 N

Կոնտակտ

5, Samghebro St., 0105 – Tbilisi, Georgia
Phone: +995322922248
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2022 Վիրահայոց թեմ. Բոլոր իրավունքները պաշտպանված են