Կայացավ Վիրահայոց թեմի երիտասարդական բաժնի «Ուսանողալան համաժողով-24»-ը

Նոյեմբերի 8-ին Biltmore Tbilisi հյուրանոցում Վիրահայոց թեմի առաջնորդ Գրշ. Տեր Կիրակոս եպս. Դավթյանի օրհնությամբ տեղի ունեցավ ուսանողական համաժողով

թեմի երիտասարդական բաժնի «Քաղաքացիական երկխոսություն և գործնական քայլեր փոփոխությունների համար 2023-2024» նախագծի շրջանակում:

Նախագիծն իրականացվում է «Ջինիշյան» հիշատակի հիմնադրամի աջակցությամբ:

Համաժողովի ընթացքում ներկայացվեցին նախագծի շրջանակում կատարած աշխատանքները, քննարկվեցին բոլոր սեմինարները և թրեյնինգները:

Երիտասարդական բաժնի ղեկավար Էմիլ Սարգսյանը ընդգծեց ուսանողների, երիտասարդների մասնակցության դերը և կարևորությունը քաղաքացիական հարցերի լուծմանն ուղղված նախաձեռնություններում:

«Բազմազգ Վրաստան» հասարակական կազմակերպության ներկայացուցիչներ Առնոլդ Ստեփանյանն ու Մարի Միկոյանը նույնպես կարևորեցին երիտասարդների ակտիվ մասնակցությունը տարբեր նախագծերում՝ ներառյալ ընտրություններին որպես դիտորդներ տարբեր ընտրատեղամասերում:

Համաժողովին ներկա էր նաև Սուրբ Գևորգ եկեղեցու սպասավոր Գևորգ սարկավագ Ավետիսյանը, ով անդրադարձավ հոգևոր արժեքների և քաղաքացիական պարտականությունների փոխկապակցվածությանը: