Материалы

Իսանի շրջանի մեծամասնական պատգամավորի թեկնածուի այցը Սուրբ Գևորգ եկեղեցի

2021 թվականի սեպտեմբերի 2-ին, ինքնակառավարման մարմինների  նախընտրական քարոզարշավի շրջանակներում, Թբիլիսիի Սուրբ Գևորգ առաջնորդանիստ եկեղեցի այցելեց մայրաքաղաքի  Իսանի շրջանի գամգեբելիի պաշտոնակատար, մեծամասնական պատգամավորի թեկնածու Կախաբեր Լաբուչիձեն:

Կախաբեր Լաբուչիձեն, ով մեկ անգամ չէ, որ այցելել է ինչպես Վիրահայոց թեմի  Սուրբ Գևորգ առաջնորդանիստ, այնպես էլ Հավլաբարի Սուրբ Էջմիածին եկեղեցի, ներկա գտնվել «Հայարտուն» կենտրոնի տարբեր միջոցառումներին, որոշեց հանդիպել թեմի առաջնորդի  հետ, լսել հայ հավատացյալներին հուզող հարցերի մասին:

Վիրահայոց թեմի առաջնորդ հոգեշնորհ Տեր Կիրակոս վարդապետ Դավթյանի և պատգամավորի թեկնածուի միջև, Առաջանորդական նստավայրում կայացած  զրույցի ժամանակ, անդրադարձ կատարվեց վիրահայոց թեմական կյանքի  խնդիրներին, շին-վերանորոգչական աշխատանքներին, շոշափվեցին եկեղեցական արարողությունների սահմանափակումների,   առաջացած դժվարությունների  հարցերը,   ինչպես նաև Կովիդ-19 համավարակի պատճառով երկրի առջև ծառացած դժվարությունները:

Վիրահայոց թեմի առաջնորդն իր օրհնությունը հղեց պատգամավորի թեկնածուին և հաջողություններ մաղթեց առաջիկա ընտրություններում: Կախաբեր Լաբուչիձեի այցը Հայոց առաջնորդանիստ եկեղեցի  ավարտվեց  եկեղեցու բակում ամփոփված  Սայաթ-Նովայի հուշաքարի մոտ  խոնարհումով:

Կոնտակտ

5, Samghebro St., 0105 – Tbilisi, Georgia
Phone: +995322922248
Email: Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

 ©2021 Վիրահայոց թեմ. Բոլոր իրավունքները պաշտպանված են