Վիրահայոց թեմի առաջնորդը մասնակցեց Ռումինիայի Պատրիարքի հետ հանդիպմանը

Բուխարեստ կատարած այցի շրջանակներում, Վիրահայոց թեմի առաջնորդ Գրշ. Տեր Կիրակոս եպիսկոպոս Դավթյանը, Մայր Աթոռ Սուրբ Էջմիածնի պատվիրակության կազմում, նոյեմբերի 8-ին մասնակցեց Ռումինիայի Ուղղափառ Եկեղեցու հովվապետ Նորին Երանելիություն Դանիել Պատրիարքի հետ հանդիպմանը:

Ռումինիայի Ուղղափառ Եկեղեցու հովվապետը, ի դեմս Ռումինիայի Հայոց թեմի առաջնորդ Գրշ. Տեր. Տաթեև եպս. Հակոբյանի, շնորհավորեց ռումինահայությանը Թեմի առաջնորդանիստ Սուրբ Հրեշտակապետաց Մայր տաճարի վերաօծման կապակցությամբ:

Զրույցի ընթացքում արժևորվեցին հայ-ռումինական բազմադարյա հարաբերությունները, շոշափվեցին երկու քրիստոնյա եկեղեցիների միջև  ավանդական բարեկամական  և հոգևոր կապերի առավել խորացման և ամրապնդման հարցերը:

Դանիել Պատրիարքը կարևորեց փոխադարձ ուխտագնացությունների կազմակերպմամբ  խորացնել  հավատացյալների ծանոթությանը Ռումինիայի և  Հայաստանի քրիստոնեական սրբավայրերին: