Ախալքալաքի շրջանի Չամդուրա գյուղի նախկին եկեղեցու գոյության մասին վավերագրերում հիշատակվում է՝ 1830-ական թվականներից՝ Սուրբ Հարություն անվամբ:

Սկսած 1852 թվականից եկեղեցին հիմնովին վերակառուցվել է, որից հետո այդ տարին համարվել է՝ որպես կառուցման թվական: Հայտնի է, որ 1897 թվականին նախատեսվել էր եկեղեցու փայտաշեն զանգակատունը փոխարինել քարաշենով:

Պարբերաբար կատարված անհրաժեշտ նորոգումների շնորհիվ, Սբ. Հարություն եկեղեցին կանգուն է մնացել:  Սակայն 1933 թ. եկեղեցու տեղում միայն 3 զույգ խարսխաքարեր են պահպանվել:

Եվ ահա  2002 թվականին Ախալքալաքի շրջանի Չամդուրա գյուղի Սբ. Հարություն եկեղեցու տեղում, գյուղի բնակիչների նախաձեռնությամբ և ջանքերով ու Էդուարդ Միքայելյանի ծախսերով, կառուցվում է  նոր եկեղեցի և կոչվում Սուրբ Գրիգոր Լուսավորիչ անունով: