2016 թվականի սեպտեմբերի 10-ին օրհնվել է Ծալկայի շրջանի Բուռնաշեթ գյուղի Սուրբ Աստվածածին մատուռը:

Ավետիսյանների տոհմից Ռազմիկ Ավետիսյանն իր եղբոր և ընտանիքի անդամների աջակցությամբ հայրական տան տարածքում կառուցել է Սբ Աստվածածին մատուռը:

Օրհնության կարգը կատարել է այն ժամանակվա Սամցխե-Ջավախքի և Ծալկայի ընդհանուր առաջնորդական փոխանորդ հոգեշնորհ Տ. Բաբգէն վարդապետ Սալբիյանը: Ներկա են եղել Տեր Թադեոս քհն. Տեր-Մկրտչյանը, Տեր Տաթև քհն. Մարուքյանը և Տեր Ղևոնդ քհն. Թոփաշյանը:

Այդ օրը հոգևոր դասի կողմից օրհնվեց մատուռի բակում տեղադրված խաչքարը՝ նվիրված Հայոց Ցեղասպանության Սուրբ նահատակների 100-ամյա հիշատակին: